Afghanistan Explosiounen zu Kabul
Zu Kabul koum et de Mëtteg zu Explosiounen a Schëss. Den amerikanesche Verteidegungsministère huet dat confirméiert an erkläert, datt eng Explosioun baussent dem Fluchhafe geschitt wier an eng an der Géigend vun engem Hotel. Iwwer d'Hannergrënn a méiglech Affer ass nach näischt gewosst. Déi däitsch an déi brittesch Autoritéiten haten awer de ganzen Dag iwwer scho virun enger imminenter Attack gewarnt.
Éischten Informatiounen no wieren op d'mannst 13 Leit ëm d'Liewe komm. Ënnert den Blesséierte sollen och amerikanesch Zaldote sinn. De Pressespriecher vum Pentagon, John Kirby confirméiert op Twitter eng zweet Explosioun an der Géigend vum Fluchhafen.
We can confirm that the explosion at the Abbey Gate was the result of a complex attack that resulted in a number of US & civilian casualties. We can also confirm at least one other explosion at or near the Baron Hotel, a short distance from Abbey Gate. We will continue to update.
- John Kirby (@PentagonPresSec) August 26, 2021
Washington huet haut confirméiert, datt d'Evakuatioun vu Leit vum Fluchhafe vu Kabul aus géing bis den 31. August weider goen. Domadder goufen Informatiounen dementéiert, datt dës Aktioun scho bannent den nächste 36 Stonne kéint gestoppt ginn. Engem Porte-parole vum Pentagon no géif ee bis dohinner sou vill Leit wéi méiglech a Sécherheet bréngen. Eleng an de leschte 24 Stonne wieren deemno iwwer 13.00 Leit evakuéiert ginn. Eng ganz Rei vu westleche Staate wéi Frankräich an Däitschland haten ugekënnegt hier Evakuéierungsaktioun bis de Freideg ze stoppen, Kanada huet dat scho gemaach.
Méi zum Thema
Lëtzebuerg versicht zousätzlech Leit aus Afghanistan ze evakuéieren
Lëtzebuerg wëllt weider Leit aus dem Afghanistan evakuéieren. Den Ausseminister Jean Asselborn huet virun der Press vun engem Dokter, deem sengem Jong, an zwou weidere Famillje geschwat.
Médecins sans frontières bleift weider aktiv am Afghanistan
"Médecins Sans Frontières" wëllen, wa méiglech, am Afghanistan aktiv bleiwen. D'ONG ass am Moment nach a fënnef afghanesche Stied aktiv, d'Majoritéit vum Personal sur place sinn Afghanen.
