Vu wéi enge Parteie si eng Plaz op hirer Lëscht fir d'Gemengewalen ugebuede krut, wollt d'Marceline Georgen net soen. Bei dëser Decisioun wieren awer verschidde Froen ze berécksiichtegen, erkläert si: "Well fir mech ass awer och wichteg: Wat wëllt déi Partei vu mir? A kann ech mech mat der e bëssen identifizéieren?"
Si wéilt sech och nach e puer Méint Zäit loossen, éier si eng Decisioun hëlt, esou d'Marceline Goergen weider:
"Ech brauch jo och déi Zäit fir iwwerhaapt ze kucken: Wat wëll ech? Wëll ech nach matgoen? An dann: Wou wëll ech matgoen? Dat briechen ech net iwwer de Knéi."
Am Moment sëtzt déi fréier ADR-Politikerin als onofhängeg Kandidatin um Knuedler. Si ass fir de ADR-Conseiller Roy Reding nogeréckelt, deen d'lescht Woch demissionéiert huet.