Medezin D'Uni Lëtzebuerg lancéiert sech an d'Infirmières-Ausbildung

Infirmieren an Infirmièrë missten ëmmer méi komplex Kompetenzen entwéckelen, seet d'Laurence Bernard. Si ass eng vun den zwou Responsabele vun den neie Studiegäng.

"Et donc on ne peut plus a'attendre à ce qu'une infirmière fasse des tâches traditionnelles, mais aussi développe un raisonnement clinique, un raisonnement critique, qu'elle soit capable de répondre aux exigences post-pandémie..."

Et misst een och sécherstellen, datt d'Infirmièren an Infirmieren - wat hire Wëssensstand ugeet - gutt fir d'Zukunft gerëscht wieren.

A Länner wéi den USA, Kanada a Kolumbien ass eng universitär Ausbildung vun Infirmieren an Infirmière scho laang gängeg Praxis, hei an Europa awer nach éischter d'Ausnam, sou d'Laurence Bernard.

Fir d'éischt Spezialisatiounen

Vum nächsten Hierscht u sollen dräi weider Bachelore bäi d'Ausbildung dobäikommen; een dovun an de Soins généraux, wat d'Basis-Ausbildung vum Infirmier ass. Wier et net méi logesch gewiescht, domat unzefänken? Et wier e politeschen a strategesche Choix gewiescht, dat net ze maachen, seet d'Laurence Bernard.

" Je crois que c'était la volonté de commencer par les spécialités pour permettre une transition adéquate ente le LTPS (Lycée technique pour professions de santé) et l'université."