Direkt dono kéimen d'Theeme Kafkraaft an Inflatioun. Krisebedéngt géifen Ëmwelttheeme méi an den Hannergrond réckelen, si beleeën an der POLINDEX-Enquête awer nach déi drëtt Plaz. Den Theema Klimawandel an Ëmwelt géif och net verschwannen, mee se géif momentan fir d'Elektorat méi an den Hannergrond réckelen, sou de Philippe Poirier.
D'Fro no politescher Participatioun fir Auslänner bleift present
Wann de Referendum vun 2015 haut géif widderholl ginn, kéimen zum Deel ganz aner Resultater eraus wéi virun aacht Joer. Dat ass eng vun de Conclusioune vun enger Enquête, seet de Philippe Poirier vum parlamentaresche Léierstull op der uni.lu. Wärend den "Nee" zum Walrecht vu 16 Joer un nach ëmmer bal grad esou grouss wier wéi 2015, géif d'Limitatioun vun de Ministesch-Mandater op zwou Perioden elo eng Majoritéit kréien. An et géife sech haut just nach dräi vu fënnef (an net méi véier vu fënnef) Wieler géint d'Auslännerwalrecht ausschwätzen. Dem Philippe Poirier no hätt déi Lëtzebuerger Gesellschaft sech an de leschten zéng Joer immens verännert.
"Et donc les Luxembourgeois prennent en compte que désormais il y a une communauté de destin. Mais aussi les étrangères prennent en compte qu'ils sont de plus en plus partie prenante de cette communauté de destin. Il est donc tout à fait normal que la question de comment faire participer ou mieux intégrer politiquement les étrangers résidants se pose de nouveau dans le corps électoral."
