Medezin Infirmiersausbildung: ANIL fuerdert, datt de BTS ofgeschaaft gëtt

D'Infirmiersassociatioun ANIL begréisst, datt d'Uni Lëtzebuerg eng Bachelorausbildung fir hire Beruff aféiert. Et wier positiv, datt et elo ee kloren Zäitplang gëtt, fir am Hierscht 2023 mat esou engem Studiegang unzefänken, esou d'ANIL-Presidentin Anne-Marie Hanff.

Rick Mertens (Interview) / Claude Biver (Web)

Anne-Marie Hanff
D'Anne-Marie Hanff ass Presidentin vun der ANIL. Foto: Archiv

D'Infirmiersassociatioun versteet awer net firwat nieft dem Bachelor op der Uni och weider eng BTS-Formatioun am Lycée soll ugebuede ginn fir den Infirmiersberuff ze léieren. Dat kéint am Beruffsliewen spéider fir Konflikter tëscht de Leit aus deene verschiddene Formatioune suergen, esou d'Anne-Marie Hanff.

D'ANIL ass der Meenung, datt jiddweree sollt de Bachelor maachen, well da wéisst een och herno um Terrain, "datt d'Leit all déi nämmlecht Kompetenzen op deem nämmlechten Niveau geléiert hunn". Esou kéint ee vermeiden, datt et "Duerchernee" gëtt.

Heescht dee méi héijen Diplom och, datt d'Infirmieren an Zukunft méi wäerte verdéngen? D'Anne-Marie Hanff äntwert dorop, datt d'Gewerkschaften momentan do aktiv wieren, mee momentan géif ee mat engem Bachelor-Diplom net méi verdéngen, mee et géif een op d'Funktioun bezuelt. Eng Opwäertung heivunner wier net d'Prioritéit vun der ANIL, seet hir Presidentin Anne-Marie Hanff.

"Mir wëssen, datt mer eis net ze schumme brauche fir dat, wat mer bezuelt kréien. Mir wëssen awer och, datt mer eis net ze schumme brauche fir déi Aarbecht, déi mer maachen, eppes ze fuerderen. Mee fir eis ass et wierklech prioritär wichteg, datt mer déi Karriärsméiglechkeet do hunn, an datt mer do emol weiderkommen."

An der Mediathéik:

Invité vum Dag / / Rick Mertens
Lauschteren

Méi zum Thema

Anne-Marie Hanff
ANIL: Etüd iwwer d'Penurie bei den Infirmieren

Et gëtt eng Penurie vu Leit am Gesondheetssecteur. D'ANIL - d'Infirmiersassociatioun - mécht eng Onlineëmfro bei hire Memberen a wëllt erausfannen, firwat vill Leit fréi aus dem Beruff erausklammen.

Programm

Net verpassen

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen