Coronavirus Impakt op d'Lëtzebuerger Wirtschaft ass "substantiell"

Duerch den neie Coronavirus wäert de Wirtschaftswuesstem hei am Land dëst Joer däitlech zeréckgoen, seet de Luc Frieden. De President vun der Chambre de Commerce rechent mat engem Réckgang vun op d'mannst engem Prozent vum PIB. Dorop géifen déi lescht Entwécklungen an eisen Nopeschlänner hindeiten.

Rick Mertens (Interview) / Claude Biver (Web)

Luc Frieden
De Luc Frieden ass President vun der Chambre de Commerce

De Luc Frieden rechent awer net domat, datt de Virus eise Wirtschaftssystem op laang Siicht wäert änneren. Lëtzebuerg wier eng oppen Ekonomie, esouwuel an der Industrie, wéi an de Servicer, wéi an der Hotellerie, déi fräien internationalen Handel bedreift. "An déi wäert och no dem Coronavirus eng international Ekonomie bleiwen, an där fräien a fairen internationalen Handel wichteg ass."

An der Hotellerie gëtt et elo schonn en Abroch vun iwwer 40 Prozent. Dat géif awer net onbedéngt heeschen, datt eng Wirtschaftskris op eis duerkënnt, déi genee esou schlëmm ass wéi déi vun 2008, seet de Luc Frieden. Hie betount, d'Banken hätten d'Kris dës Kéier net selwer ausgeléist, mee d'Banke kéinten en Deel vun der Léisung sinn, och wa se betraff wieren.

"Wann d'Aktiecoursë vu verschiddene Banken ëm bal 20 Prozent gefall sinn, dann ass dat enorm. Mee ech mengen, datt dat och eng irrational Iwwerreaktioun ass."

"D'Banke sinn net a Gefor"

De Luc Frieden ass der Meenung, datt déi europäesch an déi amerikanesch Zentralbank Moossname wäerten ergräifen, fir de System "stabel ze halen", dat wier aus der Wirtschaftskris vun 2008 geléiert ginn. "Mir hu Moyenen, fir an esou enger Kris ze intervenéieren."

Dës Kéier hätt d'Kris net am Bankesecteur ugefaangen a se wier dofir keng systemrelevant Kris, mengt de President vun der Chambre de Commerce.

D'Banke sinn dem Luc Frieden no net a Gefor, mee hie mécht sech méi Suergen ëm déi Entreprisen, déi keng Cliente méi hunn. Als Beispiller nennt hien d'Rees- an Tourismusbranche, mee och Beräicher, déi op internationalen Handel ugewise sinn.

"Wann d'Leit net méi kënne schafe goen, da gëtt och manner produzéiert, an da ginn et forcement Problemer mat der Liwwerung vu verschiddene Produkter, an dat ass natierlech ganz schlecht fir d'Gesamtekonomie."

Dofir wier et wichteg, datt een d'Recommandatioune vun de Gesondheetsautoritéite géif respektéieren, seet de Luc Frieden. D'Chambre de Commerce ass och schonn amgaang mat der Regierung doriwwer ze verhandelen, wéi betraffe Betriber kënne vum Staat ënnerstëtzt ginn.

An der Mediathéik:

Invité vum Dag / / radio 100,7
Lauschteren

Méi zum Thema

De Präis fir de Pëtrol geet erof
Coronavirus

Um Pëtrolsmarché sinn d'Präisser haut ganz staark gefall: rieds geet vun engem Pëtrolspräis-Crash. Beim Pëtrol aus dem Nordmier a beim US-Pëtrol sinn d'Präisser ëm all Kéier ronn 30 Prozent zeréckgaangen.

coronavirus
Coronavirus

Dräi weider Persounen hu sech mam neie Coronavirus infizéiert. Dat huet de Gesondheetsministère matgedeelt. Déi betraffe Persounen hätten nëmme wéineg Symptomer gewisen.

Friedrich Mühlschlegel
Coronavirus

Den LNS zu Diddeleng huet zanter Enn Januar schonn 122 Tester op den neie Coronavirus duerchgeféiert, seet den LNS-Direkter. Den Testprozess géif elo virun automatiséiert an d'Testcapacitéite géife weider erhéicht ginn.

Claude Muller
Coronavirus

Vill Leit, déi mam neie Coronavirus infizéiert sinn, hunn nëmme wéineg oder guer keng Symptomer. Doduerch wier et esou schwiereg fir de Virus ze retracéieren an dogéint ze kämpfen, seet de Prof. Dr. Claude Muller.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen