Mäin Europa Homeschooling: Wéi geet d'Groussregioun domat ëm?
Zu Lëtzebuerg, wéi och iwwer d'Landesgrenzen eraus, hu wéinst der Coronavirus-Pandemie vill Schoule missen zoumaachen.
Vun Doheem aus soll de Schoulprogramm awer virugoen - eng ongewéinlech Situatioun, op déi sech déi Betraffe séier hu missten ëmstellen. Mee wéi ginn d'Schoulen elo mat dëser Erausfuerderung ëm? A wéi garantéiert een, datt kee Schüler op der Stréck bleift?
Fir eis Serie Mäin Europa kuckt de radio 100,7 hanner d'Kulisse vu Lycéeën an der Groussregioun: D'Rahel Könen huet fir eis mat Direkteren an Directricen aus der Belsch, Däitschland, Frankräich a Lëtzebuerg geschwat.
Lauschtert de ganze Reportage vum Rahel Könen, an Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.
An der Mediathéik:
LauschterenMéi zum Thema
Patienten ouni Grenzen
Patienten dierfe sech an aneren EU-Memberlänner medezinesch behandele loossen. Wie rembourséiert d'Dokteschkäschten a wéini muss een d'CNS ëm eng Autorisatioun froen? Ee Reportage vum Carole Schimmer.
Manner séier, manner Verkéiersaccidenter
Ëmmer méi EU-Länner reduzéieren déi erlaabte Vitessen op de Stroossen. Well manner séier fueren heescht manner déidlech Accidenter - soe vill Verkéiersexperten. Ee Reportage vum Pierre Reyland.
Griichenland: Fiktioun a Realitéit
D'Asylpolitik an Europa ass net ëmmer harmoniséiert a solidaresch. Dat weise mir um Beispill Griichenland: De Schutz vun unerkannte Flüchtlinge besteet do méi um Pabeier, wéi an der Realitéit.
Euthanasie fir Mënsche mat psychesche Krankheeten
An Holland, der Belsch an zu Lëtzebuerg ass d'Stierfhëllef och dann erlaabt, wann d'Patiente psychesch krank sinn. Mee dat ass net onëmstridden. An der Belsch stounge rezent dräi Doktere viru Geriicht.
