Justiz Hesper Detournement: Optakt vum Prozess

De Mëttwoch de Moien ass et den Optakt vun engem Prozess ëm zwee fréier Gemengebeamte vun Hesper. Si solle jorelaang Gelder ënnerschloen hunn.

Jacques Ganser / cz

Friddensgeriicht Stad 2
Foto: Archiv

Lauschteren


Mat manipuléierte Rechnungen a Virementen op eege Konte sollen déi zwee Beamte wärend bal 20 Joer Geld ënnerschloen hunn, ouni datt dat iergend engem op der Hesper Gemeng opgefall wier.

Ronn 3,2 Milliounen Euro sinn op déi Aart a Weis an déi eegen Täsche gefloss, zesumme mat konfiskéierten Immobilie beleeft sech déi ganz Schuedenssomm awer op ronn fënnef Milliounen. 2019 ass de ganze Montage opgeflunn nodeems e Virement vun enger Assurance ni bei der Gemeng ukomm war.

Och d'Fro no Faillen am System ass een Theema

Den Haaptbeschëllegte war vis-à-vis vum zoustännege Regierungskommissär séier gestänneg an d'Gemeng huet eng Plainte agereecht. Deenen zwee Beschëllegten an enger drëtter Persoun, engem Entrepreneur gi Fälschung, Bedruch, Geldwäsch a Verontreie vun ëffentleche Gelder virgeworf.


Erklärunge vum Jacques Ganser


Am Raum steet bei dësem Prozess awer net nëmmen d'Fro vum System an der krimineller Energie mat dem déi Beschëllegt virgaange sinn, mee och wéi et iwwerhaapt konnt méiglech sinn, datt zwee Beamten iwwer 20 Joer laang ëffentlech Gelder vu enger Gemeng kënnen ënnerschloen, ouni datt dat iergend engem opfält.

D'Fro vun der politescher Responsabilitéit soll och gekläert ginn

D'Gemeng Hesper hat ënnert dem CSV-Buergermeeschter Marc Lies 2019 en Audit bei PWC an Optrag ginn, fir Schwaachstellen opzedecken. De Rapport gouf 2020 fäerdeg gestallt, d'Gemeng Hesper huet awer refuséiert dat Dokument ëffentlech ze maachen, dat ma Verweis op déi lafend Instruktioun an d'Perséinlechkeetsrechter.

No enger Plainte vun der Organisatioun Stop Corrupt huet d'Verwaltungsgeriicht elo decidéiert, datt den Audit soll verëffentlecht ginn, well d'Instruktioun ofgeschloss ass. Just d'Nimm vun de Leit déi genannt ginn musse geschwäerzt ginn. D'Oppositioun zu Hesper huet schonn en zweeten Audit gefuerdert. Dobäi soll et och ëm déi politesch Responsabilitéit goen. Déi kéint och wärend de véier Prozessdeeg een Theema ginn.

Méi zum Thema

Gemengelogementer Hesper Grupp
E Logement fir Flüchtlingen

Zu Hesper ass de Moien eng ukrainesch Famill an een Haus vun der Gemeng erageplënnert. Bannent nëmmen e puer Deeg huet d'Personal vun der Gemeng d'Gebai prett gemaach.

Ënnerschrëft
Verfassungsreform

Nëmme wéineg Wieler ware bis elo fir ee Referendum iwwer d'Justiz-Kapitel vun der Verfassung ënnerschreiwen. An deene fënnef populatiounsräichste Gemenge goufe bis elo zesummen 370 Ënnerschrëfte gesammelt.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen