Dee wuel ëmstriddenste Pestizid Glyphosat dierf méiglecherweis an der Europäescher Unioun nach bis Enn 2023 weider agesat ginn. D'Europäesch Kommissioun huet Wëlles d'Autorisatioun ze verlängeren, obschonn et dofir keng Majoritéit ënner de Memberlänner gëtt.
Zu Lëtzebuerg ass den Asaz vu Glyphosat zanter zejoert verbueden. D'Mëttel gëtt awer nach ëmmer an de meeschte Länner vun der Europäescher Unioun gebraucht, fir sou genannten "Onkraider" dout ze sprëtzen.
Et ass dowéinst ëmstridden, well Glyphosat op d'mannst a verschiddenen Etüden eng kriibserreegend Wierkung nogesot gëtt.
Wat stécht hanner der Decisioun vun der Europäesch Kommissioun, déi Autorisatioun elo géint de Wëlle vun de Länner verlängeren? Dat explizéiert eis EU-Korrespondentin Danièle Weber.
