Film Julien Becker: "Hätt gären op déi Polemik verzicht"
De Julien Becker, Produzent a Realisateur vum Film "An Zéro", huet de Mëttwoch Moien am 100,7-Interview op d'Kritik vun der Co-Realisatrice un der Schluss-Fassung reagéiert. An där Doku-Fiktioun geet et ëm déi hypothetesch Fro, wat am Fall vun engem Super-GAU an der Atomzentral zu Cattenom aus Lëtzebuerg géif ginn, wa kee Mënsch méi do liewe kéint.
D'Myriam Tonelotto, déi den Dokumentardeel realiséiert huet, hat beklot, datt alles, wat Lëtzebuerg an e positiivt Liicht geréckelt huet, aus hirer Versioun erausgeschnidde gouf. Dat wier esou net geplangt gewiescht, seet si. Dee Reproche kann de Julien Becker net novollzéien.
Et géif hien traureg maachen, well de Film aus senger Siicht just de Contraire ass. De Film wéilt op eng Problematik hiweisen, déi Lëtzebuerg kéint schueden.
"An ech verstinn net, wéi een dat ka soen, ech hätt zougelooss datt ARTE e Film doraus gemaach hätt, dee géint Lëtzebuerg wär. Si hunn de Montage net gemaach. Dat funktionéiert net esou. De Montage ass bei eis bliwwen."
De Julien Becker seet, hien hätt gär op déi Polemik verzicht, déi elo lassgetrëppelt gi wier.
"An Zéro" gëtt iwweregens den 21. Abrëll op ARTE gewisen.
An der Mediathéik:
LauschterenMéi zum Thema
Kompetitioun
Ass e Kino verbrennen och nach Kino?
Rekonstitutioun? Transpositioun? Oder einfach nëmme Konfusioun? Mat engem Spill mat der Realitéit an der Illusioun stellt den iranesche Film ''Careless crime" de Spectateur op d'Prouf.
Kompetitioun
Wann et Klimaanlage reent...
Klimaanlagen als leschten Depositär vun der kollektiver Memoire nom Biergerkrich: Dee Science-Fiction-Zeenario steet am Mëttelpunkt vum Angolaner Fradique sengem Filmdebut "Air Conditioner".
