Ukrain-Krich Guterres, Erdogan, a Selenskyj treffe sech zu Lviv

Haut Donneschdeg trëfft sech am Weste vun der Ukrain de President Wolodymyr Selenskyj mam UNO-Generalsekretär Antonio Guterres a mam tierkesche President Erdogan. Et soll do haaptsächlech ëm d'Agrar-Exporter aus der Ukrain goen, mee och soll en diplomatescht Enn vum Krich diskutéiert ginn.

Philip Crowther (Lviv) / sam

De Wolodymyr Selenskyj am März 2022, wou ee Kooperatiouns-Traité tëschent der Ukrain an der Tierkei ënnerschriwwe gouf.
De Wolodymyr Selenskyj am März 2022, wou ee Kooperatiouns-Traité tëschent der Ukrain an der Tierkei ënnerschriwwe gouf. Foto: picture alliance / NurPhoto | Celestino Arce

Lauschteren


Vill Detailer iwwer d'Treffe gouf et vun der tierkescher Presidence net: Just datt een en Enn vum Krich mat diplomatesche Mëttel fanne wéilt.

Tierkei huet gutt Relatioune mat Ukrain a Russland

D'Tierkei an d'Presenz vum President Erdogan op ukraineschem Buedem kéint en éischte Schrëtt sinn, och wa sech d'Iddi vum Fridden an der Ukrain momentan onrealistesch an optimistesch unhéiert.

D'Tierkei positionéiert sech op neutralem Buedem, oder besser gesot a béide Länner: D'Relatioune si gutt mat Kiew a mat Moskau. Den Erdogan gesäit sech mam President Putin zu Sochi mee gëtt der Ukrain weiderhi Krichswaffen.

Et war och d'Tierkei déi fir d'lescht eng Reunioun tëschent dem ukraineschen a russeschen Ausseminister organiséiert hat. Duerno ass de Krich awer ëmmer méi schlëmm ginn.

Weess-Exporter an Atomkraaftwierk vu Saporischschja

Et waren och d'UNO an d'Tierkei déi e Weess-Ofkommen erméiglecht hunn. Nom Akkord vu Kiew a Moskau gëtt et nees Agrar-Exporter aus der Ukrain, iwwer d'schwaarzt Mier an duerch déi russesch Blockad. Et soll zu méi Exporter kommen, datt ass eent vun den Ziler fir dës Reunioun vum Antonio Guterres.

D'UNO wëll och eng Missioun vun Experte vun der internationaler Agence fir d'Atomenergie an d'Ukrain erméiglechen, an d'Atomkraaftwierk vu Saporischschja. Dofir muss et wuel zu enger Wafferou kommen, fir eng entmilitariséiert Zon gouf et och Opriff.

Mee d'Géigend ass e Krichsgebitt, a Russland an d'Ukrain hale sech weiderhi géigesäiteg responsabel fir Rakéitenugrëff op d'Zentral. Den ukrainesche President Selenskyj warnt ëmmer nees virun enger Atomkatastroph.

Méi zum Thema

Schëff Hafen Kären Odessa
No Verhandlungserfolleg

Déi éischte Kéier zënter dem Ufank vum russesche Krich an der Ukrain huet de Méindeg de Moien ee Schëff mat Kären den Hafe vun Odessa verlooss. Dem tierkesche Verteidegungsministère no wier d'Schëff a Richtung Libanon ënnerwee.

Chamber a Selenskyj
Krich

D'Lëtzebuerger Parlament huet weider Waffe-Liwwerungen un d'Ukrain decidéiert. Dat ass een zentrale Punkt aus enger Chamber-Motioun, nodeems den ukrainesche President sech un d'Deputéiert geriicht hat.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen