Dat war vun Oppositiouns-Deputéierte gewuer ze ginn, nodeem de Premier de Mëtteg an der Chamber-Institutiounekommissioun den Textprojet presentéiert huet, fir de geplangten Arrêté grand-ducal fir d'Organisatioun vun der Maison grand-ducale. Dem Xavier Bettel no, hätt de Grand-Duc säin Aval dofir ginn.
Domat solle Recommandatiounen aus dem Waringo-Rapport vum Februar dëst Joer ëmgesat ginn, fir ë.a. méi Transparenz bei der Finanz- a Personal-Gestioun um Haff. Den Auteur Jeannot Waringo huet op Nofro gesot, datt seng Missioun vun haut u "richteg eriwwer" wier. Immens vill Saachen aus sengem Rapport wieren iwwerholl ginn, fir eng modern Monarchie ze schafen.