Nom Héichwaasser Grousse Schued bei de Betriber

Duerch d'Héichwaasser vun der leschter Woch huet d'Entreprise Oberweis e geschate Schued vun 2 bis 2,5 Milliounen Euro, esou den Administrateur Tom Oberweis am 100,7-Interview. Well d'Baach Drosbech iwwergelaf war, wier déi ganz Cloche d'Or iwwerschwemmt gewiescht. Am Gebai vun Oberweis hätten all d'Kellere mat de Lagerraim a Frigoen ënner Waasser gestanen. Well keng Liewensmëttel méi konnte produzéiert ginn, hunn allen néng Geschäfter fir eng Woch mussen zoubleiwen. Réischt muer Freideg soll de Gros vun de Geschäfter a Restaurante rëm opgoen, mat Ausnam vun deem op der Cloche d'Or an zu Tréier.

Serge Kesseler / cz

Tom Oberweis
Den Tom Oberweis ass Administrateur vun Oberweis

Lauschteren


Dem Tom Oberweis no, gouf et also bei senger Entreprise duerch d'Héichwaasser grousse Schued. Elo misst vill improviséiert ginn, well e ganze Stack vum Gebai vun Oberweis op der Cloche d'Or ewech fält. Mat Héichdrock géif een zesumme mat spezielle Firmaen d'Lokalitéiten desinfizéierten, propper maachen, dann den Decompte vun de Schied maachen, ier een da mat den Assurancen eng Eenegung misst fannen.

Vun den am ganzen 320 Leit Personal vun der Entreprise Oberweis, wieren der eng all Dag eng 80 op der Cloche d'Or am Asaz gewiescht.

"D'Vendeusen, déi souzen hei ze kräischen an déi hu gehollef hei, déi hunn elo schonn all Dag elo ech weess net wéi vill Stonne geschafft, fir alles eraus ze kréien, dat ass schonn impressionant. Et ass am Fong dat wat engem de Courage gëtt fir weider ze fueren, wann e seng eege Leit gesäit, déi sech esou de Aarsch oprappe fir dat propper ze kréien. Dat ass formidabel."

Fir e groussen Deel vum Personal huet wéinst dem Héichwaasser awer musse Kuerzaarbecht ugefrot ginn, esou den Tom Oberweis.

D'Entreprise huet wéinst dem Schued duerch d'Héichwaasser op der Cloche d'Or och staatlech Finanzhëllefen ugefrot, wéi se d'lescht Woch decidéiert gi waren. Et misst een elo sou séier wéi méiglech de Constat maachen a gläichzäiteg ufänken de Betrib erëm un d'Lafen ze kréien.

A senger Funktioun als President vun der Handwierkerkammer huet hien eis nach gesot, datt am Ganze - dem aktuelle Stand no - knapp 20 aner Handwierker-Entreprise Schued wéinst dem Héichwaasser haten.

Méi zum Thema

Opraumaarbechten no den Iwwerschwemmungen an Däitschland
Däitschland

An Däitschland gëtt diskutéiert, wisou net rechtzäiteg virun den Iwwerschwemmunge gewarnt gouf. D'Oppositioun fuerdert, datt de Katastropheschutz verstäerkt an de Kompetenzberäich vun der Regierung fält.

Eng Wiederstatioun
No den Iwwerschwemmungen

Meteolux wëllt analyséieren, wéi eng Léieren aus dem leschten Héichwaasser gezu kënne ginn. Et gëtt gekuckt, wéi een esou Evenementer méi genee virauszesoen an d'Bevëlkerung besser warne kann.

Romain Osweiler Laurent Zeimet
Krisegestioun

Si hätte vun engem gewësse Moment un, als Buergermeeschteren, missen um 112 uruffen, fir d'Pompjeeë wéinst dem Héichwaasser an hir Uertschaften ze kréien, esou d'Buergermeeschtere vu Rouspert-Mompech a Betebuerg.

Jeff da Costa
No den Iwwerschwemmungen

Et wier net fréi an net staark genuch virun der Héichwaassergefor gewarnt ginn, seet de Meteorolog a Klimatolog Jeff da Costa. D'Viraussoe wiere gutt genuch gewiescht, fir d'Populatioun besser ze warnen.

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen