Coronavirus Grippewell: "All d'Leit op de Coronavirus ze testen ass net realistesch"

Den däitsche Virolog Alexander Kekulé fuerdert, datt all Mënsch, deen d'Symptomer vun enger seriöer Gripp huet, misst op de Virus getest ginn. Dat wier dem Direkter vun der Santé no net ëmsetzbar an och net rational. Momentan wier iwwerdeems an Europa an och zu Lëtzebuerg déi generell Grippeperiod, och dofir wier et net sënnvoll an net realisabel fir quasi déi ganz Populatioun op de Coronavirus ze testen, esou de Jean-Claude Schmit.

Rick Mertens (Interview) / Chris Zeien (Web)

Jean-Claude Schmit
De Jean-Claude Schmit ass Direkter vun der Direction de la Santé

Et dierft een d'Laboratoiren net iwwerfuerderen, dofir géife Leit mat Symptomer am Moment just da getest ginn, wa si virdrun an enger betraffener Regioun waren, sou de Jean-Claude Schmit. Fir eeler Leit gëllen an esou Fäll iwwregens déi selwecht Reegelen, wéi fir méi jonk Patienten.

Zu Lëtzebuerg si bis elo eng 20 Leit op de Coronavirus getest ginn, déi Tester waren alleguer negativ. D'Recommandatioune wiere ganz kloer, sou de Jean-Claude Schmit.

"Een, deen aus enger Risikoregioun kënnt, also eng Regioun, wou de Virus circuléiert, deen op Lëtzebuerg zeréckkënnt an dee Symptomer huet - dat heescht Féiwer, Otemnout, oder Houscht - dee soll sech bei der Inspection sanitaire mellen. An dann organiséiere mir, datt déi Leit esou séier wéi méiglech getest ginn."

De Risiko, datt deen neie Coronavirus et och bis op Lëtzebuerg packt, schätzt den Dokter Schmit als "moderat" an. Auszeschléisse wier et natierlech net, de Risiko wier awer och net enorm héich. Mee wann, da si mir preparéiert", sou den Direkter vun der Santé.

An der Mediathéik:

Invité vum Dag / / Rick Mertens
Lauschteren

Méi zum Thema

Dr. Jean-Claude Schmit
Gesondheet

De Verdachtsfall vun enger Infektioun mam Coronavirus huet sech net bestätegt. Dat deelen de Gesondheetsministère an den Haut-Commissariat à la protection nationale de Samschdeg Owend an engem Communiqué mat.

Markus Ollert LIH
Gesondheet

Et wier schwéier anzeschätzen, wei geféierlech de Virus wierklech ass, sou de Markus Ollertvum vum LIH. Et soll ee sech awer op eng méiglech Epidemie virbereeden, sou den Direkter vum Departement fir Infektiouns- an Immunerkrankungen.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen