Zentrale Policefichier Police-Datebanken: D'CSV fuerdert Nobesserunge beim Gesetzestext
An der Chamberkommissioun fir bannescht Sécherheet stoung de Moien nach eemol de Projet de loi zur Diskussioun mat deem den Dateschutz am sougenannten zentrale Policefichier garantéiert soll ginn. De Staatsrot hat am Juli ee kriteschen Avis publizéiert, dee gouf de Moien nach ee mol ënnert d'Lupp geholl an d'Texter an deem Sënn amendéiert.
A verschiddene Punkte bleiwe bei der CSV och beim amendéierten Text nach Zweiwel. Et wier zum Beispill virgesinn, datt praktesch all Policebeamten op sämtlech Donnéeë vun de Leit kéint zeréckgräifen. Dat wier am éischten Text awer iwwerhaapt net esou zeréck behale ginn. D'Unzuel an d'Natur vun de Fichieren, déi d'Police kann uleeën wieren doriwwer eraus net per Gesetz reglementéiert, esou de CSV-Députéierten Gilles Roth.
Dat kéint d'CSV net matdroen an dofir huet d'Partei gefrot, datt d'Dateschutzkommissioun CNPD sech nach eng Kéier mam Text géif ausernee setzen, sou den CSV-Vize-Fraktiounschef Gilles Roth.
ADR: Effikass Policeaarbecht garantéieren
Et wier wichteg, datt d'Balance tëscht Dateschutz an effektiver Policeaarbecht géif garantéiert bleiwen, sou den ADR-Deputéierte Fernand Kartheiser, dee vu "ganz konstruktive" Gespréicher geschwat huet.
Et gouf Nofroen, wéi dat am politesche Prozess üblech ass, mee vu reegelrechter Kritik wëll d'Kommissiounspresidentin Stephanie Empain vun déi Gréng net schwätzen. Den Discours hätt sech kloer versaachlecht.
Méi zum Thema
CNPD kritiséiert Projet fir Police-Fichier
D'Dateschutzkommissioun CNPD ass a ville Punkte kritesch, wat de Projet de Loi ugeet, fir de Fichier central vun der Police ze encadréieren. Den Accès vun der Police op d'Datenbanke géif ausgebaut ginn.
Kommentar
Generalverdacht
Ee vun de Prinzippie vun eisem Rechtsstaat gëtt mam neie Projet de loi definitiv begruewen: nämlech deen, datt een onschëlleg ass, bis de Géigendeel bewisen ass, mengt d'Michèle Sinner.
Stefan Braum gesäit Gesetzesprojet fir Datebanke kritesch
De Projet de loi fir d'Policedatebanke gëtt den europäeschen Datenschutzufuerderungen net gerecht, mengt den Droitsprofesser Stefan Braum. De Gesetzesprojet géif der Police e grousse Spillraum loossen.
CSV kritiséiert de Gesetzprojet fir déi geplangt Police-Datebank
D'CSV kritiséiert, datt mam Projet de loi iwwer d'Police-Fichieren an den Zougang vun der Police zu anere Datenbanken, d'Bankgeheimnis fir d'Residenten ausgehiewelt géif ginn.
Police Fichieren: Och längst klasséiert Affäre ginn net geläscht
Virun iwwer engem Joer goung d'Debatt iwwer d'Datebanke bei Police a Justiz lass. D'Police brauch bis zu engem Joer, fir déi Demanden ze beäntwerten. Zu deenen Informatioune gehéiere weiderhi längst klasséiert Affären.
