De russesche President wéilt d'Ukrain annektéieren, dat steet fir de François Heisbourg ausser Fro. Datt hien dann e Land iwwerhëlt, dat komplett zerstéiert, an deem seng Bevëlkerung - deen Deel, deen net geflücht ass - him feindlech gesënnt ass, géif objektiv kee Sënn maachen.
Mee et misst een ophalen, de russesche President mat eise Moossstief ze beurteelen, seet de François Heisbourg:
"Pour nous cela paraît consternant qu'un homme puisse se lever le jeudi matin 24 février et se dire, aujourd'hui j'envahis l'Ukraine. Ça n'a effectivement pas de sens. Mais ça ne va pas l'empêcher de le faire. Donc il faut partir du principe que ce sont les décisions de Poutine par rapport auxquelles nous devons réagir, et non pas par rapport à ce que nous, nous considérons comme étant raisonnable et intelligent."
De François Heisbourg gesäit d'Méiglechkeet, datt de russesche President sech no der Ukrain fir de Balkan interesséiert. Dëst gëllt beispillsweis fir d'Repubika Srpska a Bosnien, wou et staark pro-russesch Tendenze ginn, oder nach fir Serbien.
De Weste muss d'Kontroll iwwer d'Eskalatioun kréien
Datt Russland zënter zwee Deeg Iwwerschall-Rakéiten agesat hätt, géif net wierklech eppes änneren, mengt de François Heisbourg. Senger Meenung no géif et do virun allem ëm d'Symbolik goen:
"Comme ces armes appartiennent en termes de généalogie militaire et technologique à l'ensemble nucléaire stratégique, c'est un signal par lequel Poutine dit: Ecoutez, je mets en œuvre des moyens qui ne sont pas des moyens militaires ordinaires. Donc, ne me poussez pas trop loin."
Vum Westen erwaart de François Heisbourg, datt e selwer probéiert, d'Kontroll iwwer d'Eskalatioun ze kréien, an domat ophält, dem Wladimir Putin d'Initiativ komplett ze iwwerloossen.