Tripartite fir d'Luxair François Bausch: "Alles" maache fir d'Luxair "op Kurs" ze behalen
De Mobilitéitsminister François Bausch huet fir de 26. September eng Tripartite aberuff, fir iwwert d'Situatioun bei der Lëtzebuerger Fluggesellschaft Luxair ze diskutéieren. Och den Aarbechtsminister wäert mat drun Deel huelen.
Et géif ee mat där Tripartite probéiere Léisunge virzeschloen, fir datt d'Fluggesellschaft ka weider existéieren, betount de François Bausch.
D'Luxair wier systemrelevant an dofir misst d'Regierung och "alles maachen", fir déi Gesellschaft "op Kurs ze halen". Elo géif ee mol zesummen an der Tripartite eng Bestandanalys vun der nationaler Fluggesellschaft maachen an dann iwwer méiglech Krisen-Instrumenter schwätzen. "Stéchwuert Chômage partiel", sou de François Bausch.
De François Bausch lauschteren
Well d'Luxair eng Privatgesellschaft ass, dierft déi Tripartite sech net mat den Tarifverhandlunge befaassen. Dofir géif et déi normal gewerkschaftlech an aarbechtsrechtlech Prozedure ginn. D'Gewerkschaften OGBL, LCGB an NGL denoncéiere schlecht Aarbechtskonditiounen an ee Manktem un Versteesdemech fir d'Doleancë vum Personal vu Säite vun der Generaldirektioun.
An enger éischter Reaktioun sot de Robert Fornieri vum LCGB, datt d'Situatioun sou schlecht wier, datt ee bannent deenen nächsten zwou Woche misst intervenéieren. Eng Tripartite Enn September wier ze wäit ewech.
Méi zum Thema
Weider déck Loft bei der Luxair
Beim Luxair-Personal ass d'Stëmmung net gutt. Extreem Flexibilitéit, héich Aarbechtsbelaaschtung an dobäi e Gel vun de Salairen. Kritiséiert gëtt d'Direktioun a virun allem de Gilles Feith.
Héich Auslaaschtung bei Luxair a LuxAirport
Méiglechen Opkaf vu Luxair-Parten: François Bausch äussert sech net
Wëllt de Staat d'Luxair-Parte vun der BIL iwwerhuelen, wann d'Bank se verkeeft? De François Bausch wëllt sech op Nofro hin net dozou äusseren, betount awer, d'Luxair wier fir Lëtzebuerg systemrelevant.
D'BIL wëll hir Participatioun un der Luxair verkafen
De BIL-President confirméiert d'100,7-Informatioun, datt d'Bank hir Undeeler un der nationaler Fluchgesellschaft verkafe wëllt. Esou eng Participatioun géif net zum Kärgeschäft vun enger Bank gehéieren.
