Fir op d'Mëssstänn an der SHUK opmierksam ze maachen, stoung de leschten Donneschdeg en Zelt op der Place Clairefontaine. En Zelt, wéi een et och an der SHUK um Kierchbierg virfënnt.
Et ass e grousst wäisst Zelt. Steril an ouni Fënsteren. An der Struktur um Kierchbierg stinn zwielef Better. Exklusiv fir Jonggesellen. Dat selwecht Zelt op der Place Clairefontaine ass mat Mënsche gefëllt, déi op d'Situatioun an der SHUK opmierksam maache wëllen. D'Nonna Sehovic ass eng vun hinnen. Si ass Responsabel vum Accueil Social vun der CARITAS a Member am Lëtzebuerger Flüchtlingsrot LFR a kritiséiert den Ëmgang mat de Mënschen an der SHUK. Zanter Abrëll 2017 existéiert d'SHUK, déi extra fir Persounen ageriicht gouf, déi schonn an engem aneren EU-Staat eng Demande op Asyl gestallt hunn an domat ënner dat sougenanntent Dublin-Ofkomme falen, sou d'Nonna Sehovic.