Impfcampagne Fleegestrukturen: Impfbereetschaft vun 82 Prozent

Déi éischt Phas vun der Impfcampagne leit ënner Verzögerunge vun Impfliferanten. Mee bis elo wier e Véierel vun de Bewunner vun Alters- a Fleegeheimer geimpft ginn, esou de Luc Feller. Der Invitatioun fir sech am Impfzenter impfen ze loossen, wieren 48 Prozent vun de Leit nogaangen.

cht/ tt / cz

Luc Feller
Foto: Archiv

D'Impfbereetschaft bei de Bewunner vun Alters- a Fleegeheimer géing bei 82 Prozent leien, esou de Luc Feller, Haut-Commissaire à la Protection nationale an zoustänneg fir den organisatoreschen a logistesche Volet vun der Impfcampagne. Et hätt een dëse Mount bis ewell ee Véierel vun de Bewunner kéinten impfen.

Den Invitatiounen an d'Impfzentrum wieren 48 Prozent vun de Leit nogaangen. Ageluede ware vun Enn Dezember un Personal aus den Alters- a Fleegeheimer, vum CGDIS a weider sanitäert Personal, wat haaptsächlech fräiberufflech schafft.

Am Moment nach keng Informatiounen iwwer d'Klinicken

D'Impfcampagne an de Klinicke läit an de Klinicken hirer Hand, dowéinst kéint ee bis de Schluss vun der Impfcampagne nach keng Statistiken erausginn, esou de Luc Feller. Bis ewell wieren awer all d'Impfdosissen, déi hinnen ugebuede goufen a fir 3.800 Persoune gerechent waren, och verbraucht ginn.

Et wier net auszeschléissen, datt vereenzelt Persounen zwou Invitatioune fir d'Impfe kruten - dëst kéint virkomme bei Klinickepersonal, wann d'IGSS net gesäit, datt déi Persoun an enger Klinik ugestallt wier, erkläert de Luc Feller. Prinzipiell géif eng Persoun an der Datebank awer direkt "blockéiert" ginn, sou bal se geimpft gouf.

Vereenzelt Dosissen u Gesondheetspersonal

Falls Dosissen an de Fleegeheimer iwwreg bliwwe sinn, goufen déi un d'Personal weiderginn.

Am Impfzenter selwer këmmert sech een Apdikter ëm d'Verwaltung vun den Dosissen. Eng Stonn virun der Fermeture vum Zenter gi just nach Impfstoffer der Unzuel vu Patienten am Zenter entspriechend opgemaach. Sollten awer vereenzelt Dosissen iwwreg bleiwen, goufen déi dem Gesondheetspersonal sur place ugebueden, déi och als prioritär Grupp vu Geimpfte géif zielen, esou nach de Luc Feller.

Méi zum Thema

Luc Feller
Impfcampagne

Beim Vaccin vu Pfizer/BioNTech sollen an Zukunft véier Wochen tëschent den zwou Dosisse leien, seet de Luc Feller. Beim Impfstoff vu Moderna wier den Ecart dee selwechten - dat géif d'Planung vereinfachen.

Éischt Impfungen zu Lëtzebuerg
Corona-Pandemie

Gëschter Mëtteg Punkt 12 Auer goufen an der Victor-Hugo-Hal um Lampertsbierg déi éischt Leit géint de Coronavirus geimpft. Als éischt ass d'Personal aus de Spideeler un der Rei. D'Tessy Troes war mat dobäi.

 

Programm

  • Panorama

  • On air

    Iwwer Mëtteg vun 11 bis 2

  • Noriichten

  • Resonanzen

  • Am Nomëtteg vun 3 bis 6

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen