Budget 2021 Finanzminister: "Net kloer, wéi vill Steieren d'Immobiliefonge bréngen"

D'Immobiliefongen ginn an Zukunft méi staark besteiert, mee et ass nach net kloer, wéi vill Suen dës nei Mesure an d'Staatskeess spullt, esou de Finanzminister. De Pierre Gramegna preziséiert, datt nach net kloer wier, wéi eng Fongen ënner déi nei Reegelung falen.

Rick Mertens (Interview) / Chris Zeien (Web)

Pierre Gramegna

All d'Mesuren, déi ageféiert ginn, wiere geschat ginn, mee dat wieren "extreem onprezis" Schätzungen.

"Wéi wëllt der eng genee Zuel bei de Fonds d'investissements spécialisés nennen, wou Immobilien dra sinn, wann der déi nach net erfaasst hutt. Mir hunn déi Mesure zum Beispill als praktesch neutral fir dat éischt Joer ugeduecht",

esou de Pierre Gramegna. De Finanzminister geet awer dovun aus, datt d'Mesure am zweete Joer Suen an d'Staatskeess spulle wäert.

Déi generell Steierreform muss waarden

De Finanzminister seet, d'Onsécherheet wier am Moment ze grouss fir eng generell Steierreform ze plangen, esou wéi et am Koalitiounsprogramm virgesinn ass. Och wat an den nächste Jore steierlech méiglech ass, wier am Moment schwéier soen, esou de Pierre Gramegna.

"Ech kann elo iwwerhaapt näischt plangen, esou laang ech net weess, wéini mer e Vaccin géint de Virus hunn. Et wier och irresponsabel, elo dat eent oder dat anert ze soen. Wat am Moment gebraucht gëtt, ass eng gewësse Stabilitéit, eng gewësse Rou."

Elo wier et wichteg d'Wirtschaft ze stäipen

D'Kris féiert dozou, datt d'Scholde vum Staat an d'Luucht ginn. D'nächst Joer kéinten déi Scholde bal 30 Prozent vun eisem wirtschaftleche Räichtum ausmaachen. Eng Grenz, déi d'Regierung am Fong net wollt iwwerschreiden. Mee dat dierft een am Moment net ze enk gesinn, esou de Finanzminister.

Hie wier prett fir déi nächst 18 Méint méi Emprunten opzehuelen, fir d'Ekonomie ze stäipen. Wann een dat net géif maachen, géif ee riskéieren an eng negativ Spiral eranzekommen.

"An dat hu mer 2008 och gesinn an der Finanzkris, wou Europa am Fong méi lues aus der Kris erauskomm ass, well fir d'éischt gespuert ginn ass, éier datt d'Relance gemaach ginn ass."

D'Triple A Bewäertung wier net a Gefor

D'Triple A Bewäertung vu Lëtzebuerg wier net a Gefor an et kéint een net pauschal soen, wéini dat de Fall kéint sinn, esou de Finanzminister. De Pierre Gramegna wëllt sech och net op e Prozentsaz vu Scholde par rapport zum PIB festleeën, vun deem un hie wéilt géigesteieren. Falls d'Rating-Agencë Lëtzebuerg an Zukunft eng negativ Perspektiv géife ginn, wäert de Finanzminister géigesteieren "mee do si mer net."

An der Mediathéik:

Invité vum Dag / / Rick Mertens
Lauschteren

Méi zum Thema

Etat de la Natioun.jpg
Debatten an der Chamber

D'Regierung wëllt keng Austeritéitspolitik, sot de Premier a senger Ried zur Lag vum Land. D'Wirtschaft, de Logement an d'Kafkraaft solle gestäerkt ginn, fuerderen d'Deputéiert.

Jean-Jacques Rommes Meenung
Fräie Mikro

Et gëtt, spéitstens zanter dem CSV-President senger Sortie, quasi e Konsens zur Ausso, grad no Covid-19 wier eng Steiergerechtegkeets-Debatt wichteg. Ob dat esou ass, freet sech am Fräie Mikro de Jean-Jacques Rommes.

Journalisteronn: Laurent Schmit (Reporter.lu), Dani Schumacher (Wort) a Peter Feist (d'Land)
No der Ried zur Lag vun der Natioun

D'Press beurteelt d'Ried zur Lag vun der Natioun éischter positiv. Onkloer wier awer, ob de Koalitiounsaccord, deen de Premier a senger Ried als Moossstaf geholl huet, déi richteg Basis fir d'Regierunghandele bleiwe kann.

De Pierre Gramegna beim Depot vum Budget 2021
Budget 2021

Et wier net d'Zäit fir Steierreduktiounen oder -erhéijungen, seet de Pierre Gramegna. Dëst Joer riskéiert Lëtzebuerg en Defizit beim Gesamtstaat vu 7,4 Prozent vum PIB - d'nächst Joer vun 2,7 Prozent.

Carlo Thelen
Ännerunge beim Amortissement accéléré

D'Instrument vum Amortissement accéléré, der Méiglechkeet fir en Immobilien-Investissement steierlech ofzesetzen, soll reforméiert ginn. E falsche Message, fënnt d'Chambre de Commerce.

Lëtzebuerger Fändel
No der Ried zur Lag vun der Natioun

D'Patronat weist sech an enger éischter Reaktioun zefridde mat den Annoncë vum Premier gëschter Méindeg a senger Ried zur Lag vun der Natioun. D'Gewerkschafte bedaueren, datt eng ganz Partie Theemen net ugeschwat goufen.

Deputéiert an der Chamber wärend der Ried zur Lag vun der Natioun
Etat de la Nation

D'Oppositiounsparteien hunn dem Premier seng Ried gëschter wéi erwaart kritiséiert: an hiren Aen huet de Premier net genuch nei Akzenter gesat fir d'Land aus der Kris ze féieren.

Jean-Claude Franck Kommentar
Etat de la Nation

D'Regierung huet am Etat de la Nation ëm e Vertrauensvirschoss gefrot. Mee se muss sech bewosst sinn, datt se um Enn vum Dag muss liwweren, mengt de Jean-Claude Franck an engem Kommentar.

Xavier Bettel
Etat de la Nation

An senger Ried zur Lag vun der Natioun huet de Premier Xavier Bettel annoncéiert, datt d'Stock Options an d'FISe reforméiert ginn. Et solle keng nei Steieren kommen, déi net Deel vum Koalitiounsaccord vun 2018 sinn.

Programm

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen