Gesondheetssecteur FHL: Spideeler fuerdere 70 zousätzlech Vollzäitplazen

70 zousätzlech Vollzäitplaze sinn néideg fir d'Aarbecht an de Spideeler elo mol oprecht ze erhalen. Dat seet d'Spidolsfederatioun, déi den Ament mam Gesondheetsministère an der CNS doriwwer verhandelt, wéi dat medezinescht Personal soll organiséiert ginn, a wéi vill zousätzlecht Personal dierf rekrutéiert ginn. Mee och aner Piste ginn analyséiert.

Maxi Pesch / cz

spidol klinik infirmière

De Bäitrag vum Maxi Pesch lauschteren


Eng Iwwerleeung wier dem Sylvain Vitali, Generalsekretär vun der FHL, no zum Beispill e Konzept bei deem vulnerabel Leit esou laang wéi méiglech kënnen doheem behandelt ginn.

Mir kucken, wéi eng Moyene mir mussen en Place setze fir Patienten oder eis eeler Leit an den Altersheemer kënnen doheem ze halen, fir ze verhënneren, datt si musse ganz fréi an d'Spidol kommen. Do musse mir mat de Partner vun de Reseau de soins an de Generalisten diskutéieren.

Hospitalisation à domicile

Aner Piste wieren d'Mobilisatioun vun de Schüler aus dem BTS specialisé, déi schonn en Infirmiersdiplom hunn a Leit aus der Preretraite oder der Retraite zeréckzeruffen.

"Natierlech muss een do nach verschidde Problemer léisen um legislative Plang, wat de Cumul vu Salaire ubelaangt, fir déi Leit net an d'Laberenten e bréngen."

Niewent dësen interne Piste fuerdert d'FHL 70 zousätzlech Vollzäitplaze fir d'Hausse vun den Hospitalisatiounen an déi héich Unzuel un Absencë beim Personal ze kompenséieren. Zousätzlech zu den übleche Krankeschäiner oder dem Congé pour raison familiale géifen den Ament eng 250 Leit vum Personal an de Spideeler feelen, seet de Sylvain Vitali:

"Mir hu kloer gefrot, mir brauche fir déi grouss Spideeler eng Basis vu 15 Leit pro Spidol, déi mir kënnen en Surplus vun eisem Effektiv, dee mir hunn, astellen, respektiv engagéieren, fir datt mir en continu kënnen déi Absencen do kompenséieren."

Absencë musse kompenséiert ginn

D'Verhandlunge mat der CNS fir déi 70 zousätzlech Vollzäitplaze wieren nach net ofgeschloss, esou de Sylvain Vitali. Mee de Generalsekretär vun der Spidolsfederatioun geet dovunner aus, datt d'Spideeler déi néideg Profiller schonn elo wäerte kënnen astellen.

Méi zum Thema

Personal an de Spideeler
Corona-Kris

D'CNS an d'Spideeler hunn nach net gekläert, wéi d'Personal organiséiert a rekrutéiert dierf ginn, wann d'Zuel vun den Hospitalisatioune klëmmt. Et wier awer nach net ze spéit, seet d'Paulette Lenert.

Spidolsbetter
Corona-Pandemie

Deemnächst wäerten d'Spideeler an d'Phas dräi vun der Cellule de crise goen. Verschidden normal Aktivitéite wäerte mussen ëmprogramméiert ginn. Déi gréisst Erausfuerderung wäert et sinn d'Personal ze fannen.

Corona-Test
Corona-Tester

Trotz Waardezäite vu bis zu zwou Stonnen a Personalenkpäss ginn d'Capacitéiten duer, do si sech d'Laboen an d'Santé eens. Dofir ännert och näischt un den Test-Virgaben, seet de Jean-Claude Schmit.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen