No déidleche Schëss 2018 zu Bouneweg Ex-Polizist wéinst Doudschlag verurteelt

De fréiere Polizist, deen 2018 en Automobilist zu Bouneweg erschoss hat, gouf de Mëttwoch vun der Chambre Criminelle wéinst Doudschlag zu fënnef Joer Prisong verurteelt, dovun dräi Joer op Sursis. De Parquet hat eng Prisongsstrof vun 30 Joer gefuerdert.

Chris Zeien / Sophie Schroeder / jga

Cité judiciare
D'Cité judiciare

D'Urteel ass vergläichsweis niddereg ausgefall, well d'Geriicht d'Provokatioun vum Chauffeur vum Auto als circonstances atténuantes zeréckbehalen huet.

Zousätzlech ass den Ugekloten zu enger Rei Geldstrofe verurteelt ginn a muss der Fra vum Affer ronn 20.000 Euro Schuedenersatz bezuelen.

Den deemools 22 Joer ale Polizist hat bei enger Verkéierskontroll dräimol geschoss, hie sot, den Automobilist wier mam Auto op hien duer gefuer. D'Enquête duerno hat awer Froen iwwer d'Behaaptung vu legitimmer Defense opgeworf. De Prozess hat Enn September op der Chambre Criminelle ugefaangen. D'Vetriederin vum Parquet hat eng Verurteelung wéinst Doudschlag gefuerdert.

Den Affekot vum Ugekloten huet d'Urteel a senger éischter Reaktioun bedauert.


Philippe Penning


"Mir waarden d'Urteel of fir ze liesen, wéi dat do motivéiert ass, well ech froe mech awer wéi si dat dote gedréint hunn fir ze soen dass de Client do eng Intentioun hat fir wëllen een dout ze maachen an där dote Situatioun wou een Auto bannent Sekonne riicht op en duer fiert."

Méi zum Thema

Police Bonnevoie
Geriicht

Optakt haut vun engem Prozess, bei deem e fréiere Polizist wéinst Doudschlag ugeklot ass. De Beamten hat am Abrëll 2018 dräi Schëss op de Chauffer vun engem Won ofginn an deen déidlech blesséiert.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen