Impfstoffer Eventuell net genuch Impfstoffdose géint d'Gripp fir vulnerabel Leit

Anescht wéi soss ass dëse Wanter net garantéiert, datt vulnerabel Persounen sech kënne géint Gripp impfen. Et kéint sinn, datt dëst Joer net all vulnerabel Persoun, déi sech wëllt impfe loossen, och ee Vaccin kritt, esou de President vum Aptikteschsyndikat am 100,7-Interview. Den Alain de Bourcy betount, déi nächst Liwwerung vum 5.000 Vaccine soll spéitstens de 15. Dezember an den Apdikten ukommen.

Maxi Pesch / cz

Alain de Bourcy

De Bäitrag vum Maxi Pesch lauschteren


5.000 Vaccinen op 98 Apdikten opgedeelt wieren der wéineg, seet den Alain de Bourcy. D'Demanden hei am Land fir e Grippevaccin fir vulnerabel Leit ze kréien, wier zwee bis dräi Mol esou héich, esou de President vum Apdikteschsyndikat. Mënsche mat Häerzproblemer, al Leit, Asthmakranker a schwanger Frae géif ee prioritär mat Impfstoff versuergen.

"Mee wann dir 20 Patienten hut,t déi misste prioritär e Vaccin kréien, an dir hutt der just 10 ... Et ass net un eis Apdikter do den Tri ze maachen an dat ass och ganz schwéier."

Wärend der Corona-Pandemie ass d'Gripp eng zousätzlech Gefor fir vulnerabel Persounen. Dëse Wanter kéint déi éischte Kéier sinn, datt net jiddwer Persoun, déi e Vaccin brauch, en och kritt, bedauert den Alain de Bourcy. Hie wier awer zouversiichtlech, datt d'Liwwerung mat de 5.000 Vaccine spéitstens de 15. Dezember géif ukommen. Duerno géif et knapp ginn.

"Den Zäitplang ass esou , wann een de 15. Dezember géif direkt impfen, d'Grippe komme eréischt den Dezember, Ufank Januar, d'Impfung brauch e puer Deeg bis se wierksam ass, da géing dat alles esou lafen, datt et infektiologesch nach ze vertrieden ass. Wa se elo awer méi spéit géife kommen, da kommen d'Feierdeeg an esou, an da gëtt et schwéier."

D'Santé hätt dem Alain de Bourcy no och eng Bestellung mat ronn 30.000 Vaccinen lafen. Déi sollen de selwechten Datum ukommen, wieren allerdéngs net fir de fräie Marché geduecht, mee fir Fleegepersonal, Dokteren, Infirmieren an och Apdikter.

Am Fall wou der géife Rescht bleiwen, da wier de President vum Apdikteschsyndikat awer gäre bereet mat der Santé ze diskutéiere fir d'Vaccinen an der Apdikt ze verkafen.

Méi zum Thema

Senioren
Gesondheets- a Fleegesecteur

Zanter enger Woch sinn an den Alters- a Fleegeheem nees spezifesch Medikamenter autoriséiert fir Covid19 oder suspekt Covid19 Patienten déi ganz staark ënnertder Krankheet leiden an den Haiser ze behandelen.

Test
Wéinst Personalmangel

Souwuel de CGDIS wéi och d'Apdikter wieren den Ament net capabel fir bei de Coronavirus-Tester auszehëllefen, well si selwer mat engem Manktem u Personal kämpfen.

Apdikt
Corona-Pandemie

Wéinst dem Manktum u Personal a Covid-19-Fäll hunn zwou vun den 98 Apdikten hir Diere fir e puer Deeg missten zoumaachen. Dat seet de President vum Syndikat vun den Apdikter.

Alain de Bourcy
Corona-Pandemie

Et géife keng Liwwerengpäss beim Paracetamol ginn, seet den Alain de Bourcy, egal, wéi vill d'Leit kafen. Et géif kee Grond fir Hamsterkeef ginn, esou de President vum Apdiktersyndikat.

Impfen
Medezin

Fir dës Grippesaison huet Lëtzebuerg 77.500 Dosisse Vaccin geliwwert kritt, esou den Direkter vun der Santé. Et géif keng Rupture de stock ginn, phaseweis goufen et awer wuel e puer Enkpäss.

Programm

  • Notturno

  • On air

    Vu 6 bis 10

  • Vun 10 bis 2

  • Vun 10 bis 2

  • Resonanzen

Net verpassen

  • Annonce: Recherche d'un journaliste-présentateur

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 journaliste-présentateur (m/f) sous contrat à durée déterminée (12 mois) et à tâche complète (40h/semaine)

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen