Energiekris EU-Conseil ass sech eens iwwer Energiemesuren

Um EU-Conseil vun den Energieminister hunn d'Memberstaate sech fir Noutmesuren ausgeschwat fir d'Energiemarchéen ze stäipen an d'Konsumenten ze entlaaschten. Parallel soll d'Versuergungssécherheet garantéiert ginn.

Jacques Ganser / cbi

Stroum
Foto: picture alliance / Flashpic | Jens Krick

Lauschteren


Iwwer véier vun de fënnef Virschléi, déi elo un d'EU-Kommissioun ginn, wier ee sech eens ginn, sou de Lëtzebuerger Energieminister Claude Turmes. Zur Debatt stounge Mesuren um Stroum- an um Gasmarché.

Well d'Stroumproduzenten deels riseg Beneficer wéinst den héije Präisser maachen, soll elo kënnen agegraff ginn: de Virschlag vu Däitschland wier zeréckbehale ginn, seet de Claude Turmes am 100,7-Interview.

D'EU-Kommissioun wäert déi nächst Woch een Text preparéiere mat Prezisiounen, wéi si déi Suen asammele kann an un d'Verbrauche weider ka ginn.

Fir Lëtzebuerg géif sech d'Fro stellen, ob dat iwwerhaapt Sënn mécht, well ee just 15 Prozent vum Stroum selwer produzéiert.

Gaspräis soll falen

Net zeréckbehale gouf de Virschlag vun engem Präisdeckel fir russesche Gas. Hei wëllt ee méi differenzéiert virgoen, seet de Claude Turmes:

Do war lo vill Skepsis am Raum virun allem, well elo vill osteuropäesch Staate sinn, déi nach bal zu 100 Prozent vum russesche Gas ofhängeg sinn, an da riskéiere mir déi dann ze vill an d'Laberenten ze bréngen, an dat, wat awer méi diskutéiert ginn ass an och zeréckbehale ginn ass, dat ass méi am Allgemengen dofir ze suergen, datt de Gaspräis fält, engersäits doduercher, datt mir déi Akafsplattform, déi mir gegrënnt hunn, nach méi effikass funktionéiert."

Zwar gouf sech prinzipiell fir eng Interventioun um Gasmarché ausgeschwat, d'Staaten an d'Kommissioun wëlle sech hei awer nach méi Zäit gi fir Léisungen ze fannen. Virun allem och mussen esou Decisioune mat Norwegen an verschidden asiatesche Staaten ofgeschwat ginn, déi a Konkurrenz mam Client EU stinn.

Versuergungssécherheet soll assuréiert sinn

Eens war ee sech och iwwer Programmer fir Stroum ze spueren, änlech wéi dat scho beim Gas geschitt ass. Parallel soll séchergestallt ginn, datt déi grouss Importateure finanziell ofgeséchert sinn, fir datt d'Versuergungsketten hannendrun net kollabéiert.

D'EU-Kommissioun soll bis Mëtt nächster Woch Texter fäerdeg stellen, déi da bis Enn des Mounts vun de Staaten ugeholl solle ginn.

Méi zum Thema

Energiepräis
Spezialconseil vun Energieminister

D'EU-Kommissioun proposéiert ë.a. d'Demande no Stroum ze reduzéieren, d'Revenue vu Stroumproduzenten ze limitéieren an ee Präisdeckel op russesche Gas. De Claude Turmes steet deene Propose positiv géigeniwwer.

Stroum
ENERGIEPRÄISSER

D'EU-Kommissioun schafft un enger Propos mat Mesurë fir der Hausse vun de Stroumpräisser entgéint ze wierken. Dozou gehéiert och, de Stroumpräis ënner bestëmmte Konditiounen ze limitéieren.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen