Energie Enovos iwwer Gasliwwerungen: D'Versuergungssécherheet ass séchergestallt

De Gas, deen Enovos senge Clientë liwwert, koum am Januar nëmmen zu ronn engem Véierel aus Russland, esou am Kontext vun der Ukrain-Kris de Generaldirekter vun Enovos Lëtzebuerg. D'Hallschent vum Gas koum aus Norwegen an Holland a knapp ee Véierel gouf duerch Flësseggas gedeckt, deen zum groussen Deel aus den USA koum, erkläert den Erik von Scholz am 100,7-Interview. E Grond zur Suerg géif et an der Haaptsaach nëmme wéinst méigleche weidere méi héije Präisser ginn. D'Versuerungssécherheet mat Gas fir déi privat Clientë wier sécher gestallt, berouegt den Erik von Scholz.

Serge Kesseler / cz

Gasréier
Foto: Bigstock / Petroleum man

Lauschteren


Am Fall vun enger militärescher Eskalatioun vun der Ukrain-Krise wier eng zentral Fro déi, wéi eng Konsequenzen dat och op de Gas-Marché hätt, esou den Erik von Scholz. Technesch wier et méiglech fir méi Flësseggas anzekafen an domat den Undeel vum russesche Gas ze reeduzéieren.

"Die Import-Kapazitäten a Flüssiggas entspricht derzeit mehr als der Hälfte des Gasverbrauchs in Europa. Das hätte aber erhebliche Auswirkungen auf die Preise, die ohnehin schon sehr hoch sind."

Dat och well d'Gas-Späicheren an Europa de Moment nëmmen zu 35 Prozent gefëllt sinn: virun engem Joer ware se dat zu knapp 50 Prozent. Esou eng Entwécklung hätt zu de méi héije Präisser bäi gedroen. Hie wënscht sech, datt d'Späichercapacitéiten an Europa an Zukunft erëm besser ausgelaascht géife ginn, sou den Erik von Scholz.

D'USA hunn ugekënnegt, Europa bei enger méiglecher Reduktioun vu russesche Gasliwwerunge wëllen z'ënnerstëtzen, fir d'Versuerungssécherheet ze garantéieren a fir Präis-Schocken ofzefiederen.

D'Fro vun der Nord Stream 2 Gaspipeline bleift aktuell

Moskau sengersäits huet ugekënnegt, datt Russland och bei eventuellen neie Sanktioune vum Westen, weider Gas an Europa soll geliwwert ginn. Och a Krisenzäiten hätten d'Russe bis elo ëmmer hir Verträg agehalen, seet dozou den Erik von Scholz. Hie kéint awer net aschätzen, wéi déi Zousécherung sech géif änneren, wann d'EU weider Sanktioune géint Russland géif op de Wee bréngen.

Wat d'Gaspipeline Nord Stream 2 ugeet, wier eng Fro déi, wéi Russland reagéiert, wann et dës net kéint bedreiwen. Da géif sech och d'Fro stellen, ob Russland seng Gasliwwerungen an Europa wäert reduzéieren, esou de Generaldirekter vun Enovos Lëtzebuerg.

Méi zum Thema

Cecilia MALMSTROM am Europaparlament iwwer EU-USA-Handelsrelatiounen
EU-USA

Wat ass wierklech bei der Entrevue Juncker-Trump vun Enn Juli erauskomm? Am Europaparlament gouf et vill kritesch Froen un d'Handelskommissärin. Déi sot, et géif een net nees mat TTIP ufänken.

D'Stroum- a Gasrechnung ka méi niddreg ginn
Energiepräis

D’Konsumente profitéieren nëmme wéineg vu gënschtegen Offere bei Elektresch a Gas. Dem Regulatiouns-Institut ILR no hätt d'Rechnung d'lescht Joer an der Moyenne 90€ méi niddreg kënne sinn.

Net verpassen

  • BEAUTIFUL DECAY Festival

    Beautiful Decay Festival.jpg

    Vum 28.-29. Mee ass den BEAUTIFUL DECAY Festival am Gréiweschlass zu Käerch. De radio 100,7 ass e Samschdeg den 28.05. live sur place.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen