Affär Traversini "Eng vu villen Demanden"

Bei der Autorisatioun vun den Aarbechten um Roberto Traversini sengem Gaardenhaus wier d'Ëmweltministesch Carole Dieschbourg der Logik vun hire Beamten nogaangen. Dat huet si op enger Pressekonferenz erkläert.

Michèle Sinner / cbi

Pressekonferenz Dieschbourg
D'Carole Dieschbourg bei der Pressekonferenz de Mëtteg

Op dëser Pressekonferenz huet si den Autorisatiounsdossier zur Verfügung gestallt an hir Beamten hunn Erklärunge ginn. Esou huet d'Ministesch méigleche Virwërf vun der CSV virgegraff, déi en Avis juridique maache gelooss huet, ob d'Carole Dieschbourg d'Autorisatioun hätt dierfe ginn oder net. D'CSV huet d'Carole Dieschbourg opgefuerdert, d'Urgence an d'Chamberkommissioun ze komme fir Erklärungen ze ginn.

De Michel Leytem, Bezierkschef vun der Natur- a Bëschverwaltung fir de Süden huet erkläert, datt bei der Demande vum Roberto Traversini d'Reglement vun der Réserve naturelle Prënzebierg gekuckt gi wier. Dat wier e "ganz strengt" Reglement wat festleet, datt ee keng nei Constructioune maachen dierft. Allerdéngs wier et méiglech, datt u Constructiounen, déi scho bestinn, "verschidde Saache kënnen dru gemaach ginn". An dësem Fall wier sech un den Artikel 7 vum Naturschutzgesetz referéiert ginn, deen et erlaabt fir an enger Zone verte en hëlze Bardage drun ze maachen, "fir datt e mam natierlechen Ëmfeld besser harmoniséiert", esou de Michel Leytem.


Erklärunge vum Michel Leytem:

Lauschteren


D'Ëmweltministesch Carole Dieschbourg seet, si hätt déi fäerdeg Autorisatioun vun hire Mataarbechter kritt a si hätt "deenen Iwwerleeungen, déi do dra stoungen, suivéieren". D'Aarbechten um Gaardenhaische wieren eng Verbesserung gewiescht, well et soss zesummegefall wier. Bei der Demande géif et sech ëm "Spitzfindegkeeten" handelen. Et wier elo um Verwaltungsgeriicht, fir dat genee ze klären, esou d'Carole Dieschbourg.


Erklärunge vun der Carole Dieschbourg

Lauschteren


D'Carole Dieschbourg konnt sech iwwerdeems net drun erënnere mam Roberto Traversini iwwer seng Demande geschwat ze hunn.

Méi zum Thema

Jean-Claude Franck Analys
Politesche Wocheréckbléck

D'Deeg vum Roberto Traversini als Déifferdenger Buergermeeschter schénge gezielt ze sinn. An de leschten Deeg huet hie vill Feeler missten agestoen. Fir 11 Auer huet hien eng Pressekonferenz aberuff.

Programm

Net verpassen

  • Am Gespréich: Marc Angel a Samuel Hamen

    Marc Angel, Samuel Hamen

    Zwou Generatioune vu Kënschtler hu sech zesummegedoen, fir eng originell hybrid Form ze schafen.

    Mir ënnerhalen eis mam Zeechner a Schrëftsteller an der Woch vum 23.11. méindes bis freides um 12:40 a sonndes um 10:10

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen