LCGB "Eng Kris fänkt een net eréischt un ze bewältege wa se eriwwer ass"
D'Krisepolitik hätt am Moment kee globaalt Konzept, mee géif just aus eenzelne Léisunge fir eenzel Problemer bestoen. Dat seet de Patrick Dury, dee leschte Samschdeg mat méi wéi 95 Prozent vun de Stëmmen als President vum LCGB confirméiert gouf.
Den alen a neie President vum LCGB fuerdert, datt zäitno eng Reunioun vun der nationaler Tripartite aberuff gëtt.Et wier d'Aufgab vun der Tripartite, e globaalt Konzept ze skizzéieren, mat Krisen-Mesuren, déi zesummenhänken.
Wéi fest d'Patronat nach zum Lëtzebuerger Sozialmodell steet, wier net kloer ze erkennen, sou de Patrick Dury. Am Hierscht 2019 hätt den deemolegen UEL-President de Sozialdialog opgekënnegt. Wärend der Kris a bis haut hätt et awer och Momenter vu ganz gudder Zesummenaarbecht ginn.
Verhandlungsrecht verdeedegen
Seng Gewerkschaft wéilt keen eliminéieren, sou nach de President vum LCGB. Am Bankesecteur hätte seng Gewerkschaft an den OGBL zwar zesumme gefrot, datt de Bankesyndikat ALEBA seng sektoriell Representativitéit oferkannt kritt. Dobäi wier et awer net drëm gaangen e Konkurrent lass ze ginn:
"Dat wat hei geschitt ass, ass, datt déi gréisst Gewerkschaft an deem Secteur, déi u sech awer keng sektoriell Representativitéit méi huet, eleng verhandele gaangen ass. Si huet eis emol net matgeholl. Mir hunn näischt anescht gemaach wéi eis eist Verhandlungsrecht ze garantéieren, fir dat ze verdeedegen."
Digitaliséierung an Zäite vu Pandemie
D'Digitaliséierung, déi duerch d'Pandemie séier u Gewiicht gewonnen huet, ass fir de Patrick Dury eng Medail mat zwou Facetten: et gi Leit, déi riskéieren op der Streck ze bleiwen, mee d'Produktivitéit géif an d'Luucht goen. Dat soll nei Iwwerleeungen opmaachen, esou de President vum chrëschtleche Gewerkschaftsbond:
"Wann een hei elo géif mierken, datt d'Ekonomie an engem anere Rhythmus dréint, datt mat manner Leit vill méi Aarbecht ka gemaach ginn, da muss een iwwer eng Aarbechtszäit-Verkierzung kënne schwätzen. Ech kann elo haut kee Prozentsaz nennen, kee Modell. Dat muss sech erginn, aus der Entwécklung."
Virun aacht Deeg hat de Vize-Premier an Aarbechtsminister Dan Kersch um LSAP-Kongress eng änlech Ausso gemaach.
An der Mediathéik:
LauschterenMéi zum Thema
LCGB: "Administrativ Hürde fir Betriber sinn ze héich"
D'Regierung géif eng Politik bedreiwen, déi "Aarbechtsplaze verhënnert, amplaz der ze schafen", seet de Patrick Dury vum LCGB. De Réckzuch vu Fage wier eng "Faillite-Erklärung" fir d'Industriepolitik.
LCGB fuerdert Beschäftegungsgarantie
D'Verhandlunge fir den ugekënnegte Sozialplang beim Grupp Saint-Paul Luxembourg ginn de Mëtteg an déi drëtte Ronn. Den LCGB fuerdert, datt d'Beschäftegungsgarantie - wéi se am Kollektivvertrag virgesinn ass - respektéiert gëtt.
LCGB: All Sozialpartner misst seng Responsabilitéit iwwerhuelen
Am Sozialkonflikt bei Arcelor Mittal misst all Acteur seng Responsabilitéite iwwerhuelen, fir esou vill wéi méiglech vun de betraffene 550 Aarbechtsplazen ze retten, esou den LCGB-Gewerkschaftler Robert Fornieri.
LCGB fuerdert Konzept fir d'Leit an der Beschäftegung ze halen
Den LCGB kritiséiert d'Decisioun vun der Regierung, fir de Betriber d'Méiglechkeet ze ginn bis zu engem Véierels vun hirem Personal ze entloossen, ouni den Usproch op déi staatlech Krisen-Hëllefen ze verléieren.
