Creos zu 380 kV-Leitung Eng geplangten Héichspannungleitung suergt fir Diskussiounen

Déi geplangt nei Héichspannungsleitung duerch den Uelzechtdall op Heeschdref (a vun do aus weider op Bartreng) suergt fir Diskussiounen. Et hu sech Gemengevertrieder zu Wuert gemellt, de Mouvement écologique sot eppes dozou, an den Energieminister huet e Communiqué erausgeschéckt. Just vum Bauhär, der Creos, hat ee bis ewell nach näischt héieren.

Maurice Molitor / cz

Stroumleitung
Foto: Bigstock / zalak

Covid ass u villem Schold. Och dorun, datt der Creos hire Plang net opgaangen ass. Dee präzisen Zäitplang nämlech, dee si sech ginn hat, fir ronderëm de Projet vun där 380 Kilo-Volt-Leitung ze kommunizéieren. De Virus huet dee Prozess ënnerbrach, seet den Alex Michels, dee bei der Creos fir d'Infrastrukturen zoustänneg ass. Déi zweet Hallschent September soll kommunizéiert ginn.

Do virdru ginn et keng Detailer vun der Creos, bis op de formellen Engagement, datt sech un all d'Reegelen a Bestëmmunge wäert gehale ginn. Also och un d'Obligatioun eng Ëmwelt-Impaktstudie ze maachen, sou den Alex Michels.

"Déi Ëmwelt-Impaktstudie huet nach net ugefaangen, déi wäert respektéiert ginn. A well do nach guer näischt gemaach gouf, ass och nach guer keen Tracé definéiert. Et ass nach net definéiert wat, wou, wéi gebaut gëtt."

Dofir wier de Projet bis elo net méi wéi e Stréch op der Kaart, sou den Alex Michels. Ob d'Leitung herno iwwerierdesch verleeft oder ënnerierdesch verluecht gëtt, géif och eréischt herno op der Basis vun de Conclusiounen aus der Impaktstudie decidéiert ginn. Eng nei, méi performant Verbindung ass (laut Creos) néideg, fir mëttelfristeg méi Stroum wéi bis elo aus Däitschland op Lëtzebuerg kënnen ze transportéieren. Wat batter néideg ass: schonn ugangs 2018 waren d'Capacitéiten zu ronn 80 Prozent ausgelaascht, huet et deemools an engem Rapport geheescht. Mat engem Google Datacenter kéint et schonn 2025 net méi duergoen. Soss ebe spéitstens dräi oder véier Joer drop.

Mouvement Ecologique hat sech zu Wuert gemellt

De Mouvement Ecologique wëll oppassen datt d'Virschrëfte bei der geplangter Creos-Héichspannungsleitung am Uelzechtdall respektéiert ginn. D'Regierung misst hir Responsabilitéit huelen an dofir suergen datt de Bedreiwer vun Energiereseauen déi national an europäesch Ëmweltvirschrëften anhält, esou d'Ëmweltassociatioun an engem Communiqué. Vu Creos fuerdert de Mouvement, datt d'Pläng fir all d'Héichspannungsleitungen uechter d'Land op den Dësch geluecht gëtt. Déi nei Leitung am Uelzechtdall wier nämlech net déi eenzeg, déi geplangt wier.

Méi zum Thema

Chamber
Data-Center

De Memorandum of Understanding tëscht dem Lëtzebuerger Staat a Google a Saachen Data-Center Biisse gëtt oppe geluecht. Dat huet de Premierde Freideg no enger Entrevue mat der Presidentekonferenz an dem Chamberbureau confirméiert.

Programm

  • Notturno

  • On air

    Notturno

  • Noriichten

  • Aachtchen

  • Noriichten

Net verpassen

  • Krautwëschdag um radio 100,7

    krautwësch ouni Text

    De 15. August ass Léiffrawëschdag, en Dag op deem d'Natur an den Himmel am Mëttelpunkt stinn. De radio 100,7 proposéiert e Feierdagsprogramm.

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen