An der Etüd ass eraus komm, datt virun allem jonk Leit tëschent 18 a 34 Joer den Nutri-Score-Label fir intressant an och fir glafwierdeg halen. Dat seet de Marc Fischer, éischte Beroder beim Konsumenteschutzministère. 98 Prozent vun de 25 bis 34 Järege géingen den Nutri-Score elo kennen.
"Et ass eng grouss Notoriétéit do. Dat verdeelt sech bëssen op déi verschidde Kategorien, also 80 Prozent vun alleguerte kennen et. Mat 50 Prozent wësse méi Frae wéi Männer, datt et den Nutri-Score-Label gëtt, an datt deen och am Bezuch ass op d'Nährwäertsqualitéit vun engem Liewensmëttel innerhalb vun enger Liewensmëttelkategorie."
Vun A bis E; vu gréng bis rout: Fënnef Kategorie bitt den Nutri-Score a soll domat de Leit de Choix fir eng gesond Ernärung vereinfachen, esou d'Representantë vum Konsumenteschutzministère. Den Usproch wier net, Äppel mat Bieren ze vergläichen, esou den Dr. Thorsten Bohn vum Scientific Committee of Nutri-Score.
"Die Idee ist es, verschiedene Lebensmittel innerhalb einer Kategorie miteinander zu vergleichen. Innerhalb von Fleisch oder innerhalb von Getreiden."
Ee Label mat Upassungen
De Label, deen ëmmer nees an der Kritik ass, berücksichtegt just déi Ingredienten, déi op de Packunge mussen ofgedréckt sinn. Dozou gehéiere weder Faarf- nach Séissstoffer, erkläert den Dr. Thorsten Bohn.
"Also es sind zum Beispiel keine sekundären Pflanzenstoffe drin, weil die nicht aufgelistet werden müssen. Aber es sind Zucker, Eiweiss, solche Dinge eben drin, die vorschriftsmässig auf den Lebensmittel aufgedruckt werden müssen."
Bei verschiddene Liewensmëttel wier den Nutri-Score an Tëschenzäit ugepasst ginn.
"Olivenöl und Avocadoöl und solche mit einem hohen Anteil an ungesättigten Fettsäuren schneiden im neuen Algorthythmus deutlich besser ab, können also ein B Maximum erhalten. Was einfach den hohen Energiegehalt sinnvoll wiederspiegelt."
Et géif beim Nutri-Score och net drëm goen, déi klassesch Liewensmëttelpyramid ze ersetzen, mee et soll dem Konsument et méi einfach maachen, sech fir déi méi gesond Alternativ ze entscheeden.
