Weltraum "Een attraktiven Theema"

D'Lëtzebuerger Space-Resources-Initiativ ass an där konkreter Phas ukomm. Dës Woch gouf den ESRIC offiziell lancéiert: e Fuerschungs-, Innovatiouns- a Kompetenzzenter a Saache Weltraumressourcen, dee säi Sëtz zu Lëtzebuerg huet, an un deem mat der ESA, der Europäescher Weltraum-Agence, e prominente Partner bedeelegt ass.

Maurice Molitor (Interview) / Claude Biver (Web)

Mathias Link
De Mathias Link ass Interimsdirekter vum ESRIC

An enger éischter Phas funktionéiert den ESRIC als Departement vum LIST (dem Luxembourg Institute of Science and Technology). Am LIST géifen et scho Leit ginn, déi op dësen Theeme fuerschen, notamment an der Materialfuerschung, seet de Mathias Link, Interimsdirekter vum ESRIC. Seng Aufgab ass et fir eng Ekipp u Fuerscher zesummenzestellen.

"Mir schaffe mat der ESA: d'ESA huet och Leit, déi schonn zanter Joren doru schaffen. Dat heescht, et geet elo mol an enger éischter Phas drëm fir dat, wat mer hunn, zesummenzeleeën, an dann effektiv ze completéiere mat neie Leit."

De Mathias Link weist sech hei optimistesch, well et en attraktiven Theema wier. "Dat hu mer och an de leschte Jore gesinn: normalerweis, wann der do eng Plaz ausschreift, da kritt der wierklech vill Offeren an och vill gutt Offeren."

Eng weltwäit Kooperatioun

D'NASA, déi amerikanesch Agence, ass zwar net direkt involvéiert, weist awer groussen Interessi un där neier Struktur an un der Aarbecht, déi do gemaach wäert ginn. Dee Geescht vun Zesummenaarbecht wier symptomatesch fir de Secteur, seet de Mathias Link:

"De Weltraumsecteur ass effektiv e Secteur, wou enorm vill matenee geschafft gëtt, international, um europäeschen Niveau, well einfach ganz seelen een eenzegt Land eleng kann eppes maachen. D'Amerikaner sinn natierlech ganz staark, si hunn och ganz héich Budgete par rapport zum Rescht vun der Welt. Mee am Endeffekt si si awer ganz staark op fir international Kooperatiounen. An dat gëllt natierlech och fir dee spezifesche Secteur vun de Ressourcen."

Zukunftsmusek?

Villes, wat een an deem Kontext héiert, klengt no Zukunftsmusek. Allerdéngs ass déi Zukunft warscheinlech méi no wéi ee mengt, seet de Mathias Link:

"Wien hätt virun 20 Joer geduecht, datt mir hei op der Strooss kënne ronderëm goen a gläichzäiteg den Handy kënne kucken a mat engem do kënne schwätzen, dee mer och gesinn. Dat si wierklech Saachen, déi deemools no kompletter Zukunftsmusek geklongen hunn. An hei ass et genee esou: Dat gesäit effektiv ëmmer wäit ewech aus, mee dat ass guer net esou wäit ewech. D'Amerikaner wëllen 2024 um Mount landen. Souguer wann dat nach e bëssen no hanne verluecht gëtt: dat ass guer net méi esou wäit fort"

An der Mediathéik:

Invité vum Dag / / Maurice Molitor
Lauschteren

Méi zum Thema

Marc Serres
Luxembourg Space Agency

Den Direkter vun der Luxembourg Space Agency fënnt et "net dramatesch", datt Entreprisen aus dem Lëtzebuerger Weltraumsecteur am Ufank Verloschter maachen. De Secteur wier an der Entwécklungsphas, seet de Marc Serres.

Virstellung Space Master uni.lu
New-Space-Secteur

D'Uni Lëtzebuerg bitt vun dësem September un en neie Studiegang. De sougenannten interdisziplinäre Space-Master. Doduerch soll Lëtzebuerg sech europawäit am New-Space-Beräich un der Spëtzt positionéieren.

Weltraum
Weltraumressourcen

D'Chamber zitt ee mitigéierte Bilan iwwer d'Initiativ "Space Mining". D'CSV vermësst Konkretes. Déi Lénk kritiséieren de kapitalisteschen Hannergedanke vum Projet. De Wirtschaftsminister gesäit grousst Potential.

Houston, Tx/usa - Circa July 2013: Astronauts In Space Suits In Lyndon B. Johnson Space Center, Hous
Spaceresources

Déi international Promotioun vu spaceresources.lu ass e Succès. D'Ekonomie vun de Weltall-Ressourcë muss sech nach entwéckelen.

Programm

  • Notturno

  • On air

    Vu 6 bis 10

  • Vun 10 bis 2

  • Vun 10 bis 2

  • Resonanzen

Net verpassen

  • Annonce: Recherche d'un journaliste-présentateur

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 journaliste-présentateur (m/f) sous contrat à durée déterminée (12 mois) et à tâche complète (40h/semaine)

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen