Coronavirus zu Lëtzebuerg "Encourageant" Entwécklung vun den Infektiounszuelen

"Encourageant", fënnt den Epidemiolog vum Laboratoire National, de Joël Mossong, déi lescht Entwécklung vun den Infektiounszuelen. Et kéimen zwar Fäll bäi, mee déi prozentual Hausse pro Dag wier elo scho puer Deeg manner héich wéi dat nach d'lescht Woch de Fall war.

Pia Oppel / cz

Joël Mossong
De Joël Mossong ass Epidemiolog am LNS

Lauschtert dat ganzt Gespréich mam Joël Mossong


Grondsätzlech wieren déi confirméiert Infektiounsfäll awer net esou aussokräfteg, wéinst enger méiglecherweis héijer Donkelziffer vun net bekannten Infektiounen.

"Dee Chiffer, deen eigentlech méi fiabel ass, dat ass leider dee vun den hospitaliséierte Leit. Dat wier wichteg, deen ze gesinn. Do muss een awer bedenken, datt deen och nach an den nächsten Deeg wäert an d'Luucht goen - a leider dee vun de Leit déi stierwen, och nach an d'Luucht geet. Dat ass elo ze erwaarden, well et ass jo een Delai am System. Déi Leit, déi elo an d'Spidol kommen."

Vun engem epidemiologesche Standpunkt aus gesi wier sech elo ze erwaarden, datt d'Zuel vun den Hospitalisatiounen a vun den Doudegen elo géif an d'Luucht goen a lues a lues warscheinlech manner nei Fäll dobäi kommen.

Wéini d'Aschränkunge fir d'Leit an d'Betriber nees kéinten opgehuewe ginn, kéint een zu dësem Zäitpunkt nach net soen, esou de Joël Mossong vum LNS nach. Och d'Erfarungswäerter aus dem Ausland wieren do nach net kloer.

Programm

Net verpassen

Dossieren

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen