Europapolitik "Ech si vum Jean-Claude Juncker enttäuscht"
Lëtzebuerg huet nach vill ze dinn am Beräich vun der Steiergerechtegkeet - trotz enger grénger Participatioun an der Regierung. Dat seet de Co-Fraktiounspresident vun de Gréngen am Europaparlament, de Belsch Philippe Lamberts. Hien ass iwwerzeegt, datt déi Lëtzebuerger Steierpolitik manner op Konkurrenz géif setzen, wann déi gréng méi staark an der Regierung vertruede wieren.
Op dat méiglecht Resultat vun de Grénge bei den Europawahlen ugeschwat, mengt de Philippe Lamberts , dat géif ënner anerem dovun ofhänken, ob Groussbritannie bis dohinn nach an der EU ass oder net. Ronn 10 Prozent vun der grénger Fraktioun am Europaparlament si britesch Politiker. Reng elektoral gesinn hätten déi gréng dofir een Interessi drun, datt Groussbrittannien bei den Europawahlen dobäi wier, sou de Philippe Lamberts.
Den nächste Kommissiounspresident
Wäerten déi gréng da fir de Kandidat vun der EVP - de Manfred Weber - am Fall wou, als Kommissiounspresident stëmmen... dozou sot en Philippe Lamberts: "Il est une certitude assurée que le PPE à lui tout seul n'aura pas de majorité. C'est évident."
De Philippe Lamberts hat 2014 fir de Jean-Claude Juncker, mee géint seng Kommissioun gestëmmt. "Jean-Claude Juncker m'a beaucoup déçu, ça je ne vous ne cacherai pas. Je n'ai pas d'a priori contre tout candidat du PPE, maintenant la question c'est: quel candidat, bien sûr, et pour faire quoi?"
An Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.
An der Mediathéik:
LauschterenMéi zum Thema
Heftege Sträit ëm den Europäesche Procureur
Wien gëtt Europäesche Procureur an domat Chef oder Chefin vun der neier europäescher Institutioun, déi hire Sëtz zu Lëtzebuerg huet? Dorop kucke mir mat eiser EU-Korrespondentin Danièle Weber.
"Ech berode léiwer d'Regierung wéi meng Partei"
De Jean-Claude Juncker wëllt net nach eng Kéier EU-Kommissiounspresident ginn. Hie strieft och keen nationaalt Mandat un, mee kéint sech virstellen, d'Lëtzebuerger Regierung ze beroden.
