Coronavirus Den Ëmsaz geet erof

Wéinst dem neiaartege Coronavirus rechent d'Horesca mat iwwer 40 Prozent manner Ëmsaz fir de Secteur vun den Hoteller, Restauranten a Caféen hei am Land, esou de Generalsekretär François Koepp. D'Annulatioune géife bei bis zu 60 Prozent leien. Nei Reservatioune géifen et keng ginn.

Serge Kesseler / cbi

Restaurant
D'Horesca rechent mat 40 Prozent manner Ëmsaz wéinst dem Coronavirus. Foto: Bigstock / jes2ufoto

De Bäitrag vum Serge Kesseler lauschteren


Betraff wieren an éischter Linn déi Betriber, déi mat Geschäftstourismus schaffen, esou de François Koepp. Dat well eng ganz Rei Evenementer ofgesot ginn an et Reesverbueter ginn. Dowéinst géifen et vill Annulatioune ginn.

De François Koepp schwätzt vun engem Réckgang vu 40 Prozent vun den Aktivitéiten a 40 bis 60 Prozent Annulatioune vun de Reservatiounen. "An de Problem ass, et komme keng nei Reservatiounen no."

Net nëmme Reservatioune falen aus

Dat géif mat sech bréngen, datt den Ëmsaz souguer ëm iwwer 40 Prozent wäert zeréckgoen, esou den Horesca-Generalsekretär. Dat well bei villen Annulatiounen och zousätzlech Aktivitéite géifen ewechfalen: zum Beispill Konferenzen, wou och en Iesse mat derbäi war.

"An déi sinn elo mol zu engem ganz groussen Deel ofgesot ginn, awer net nëmmen am Zentrum, och iwwer Land gëtt et eng Partie Betriber, déi ganz staark dovu betraff sinn, wou grouss Gesellschaften alles wat se haten, annuléiert hunn, wou dann op e Coup 50 Zëmmeren annuléiert ginn, fir dräi véier Nuechten."

D'Decisioun vun Entreprisë fir wéinst dem Coronavirus verstäerkt op Télétravail ze setzen, wäert een Afloss op Restauratiounsbetriber kréien, kënnegt den Horesca-Generalsekretär un. Doduerch géif ee gesinn, datt am Zentrum verschidde Betriber vun engem Réckgang vum Ëmsaz géife schwätzen.

Onkloerheet am Secteur

Et misst een awer déi ganz Auswierkungen nach ofwaarden, esou de François Koepp. "Mee och déi Betriber, wa se da getraff wieren, wäerte vum Chômage partiel kënne profitéieren."

Vill Horesca-Betriber géife sech Suerge maachen, wat mat hire Mataarbechter geschitt, seet de François Koepp. Froen an deem Kontext, an och wat d'Hygiènesreegelen ugeet, sollen an den nächsten Deeg zesumme mat der Regierung analyséiert ginn.

Am Horesca-Secteur sinn eng 2.800 Betriber aktiv: si beschäftege ronn 20.000 Leit.

Méi zum Thema

De Präis fir de Pëtrol geet erof
Coronavirus

Um Pëtrolsmarché sinn d'Präisser haut ganz staark gefall: rieds geet vun engem Pëtrolspräis-Crash. Beim Pëtrol aus dem Nordmier a beim US-Pëtrol sinn d'Präisser ëm all Kéier ronn 30 Prozent zeréckgaangen.

coronavirus
Coronavirus

Dräi weider Persounen hu sech mam neie Coronavirus infizéiert. Dat huet de Gesondheetsministère matgedeelt. Déi betraffe Persounen hätten nëmme wéineg Symptomer gewisen.

Friedrich Mühlschlegel
Coronavirus

Den LNS zu Diddeleng huet zanter Enn Januar schonn 122 Tester op den neie Coronavirus duerchgeféiert, seet den LNS-Direkter. Den Testprozess géif elo virun automatiséiert an d'Testcapacitéite géife weider erhéicht ginn.

Claude Muller
Coronavirus

Vill Leit, déi mam neie Coronavirus infizéiert sinn, hunn nëmme wéineg oder guer keng Symptomer. Doduerch wier et esou schwiereg fir de Virus ze retracéieren an dogéint ze kämpfen, seet de Prof. Dr. Claude Muller.

Programm

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen