1.300 ukrainesch Kanner ukomm Claude Meisch: "Dat ass e klenge Lycée"

Mat der Flüchtlingswell aus der Ukrain sinn och ganz vill Kanner am schoulflichtegen Alter op Lëtzebuerg komm. Wann dës Leit bis de Statut vum Beneficiaire de protection internationale hunn ass Lëtzebuerg och verflicht hinnen Educatioun unzebidden.

Jacques Ganser / cz

Claude Meisch
Foto: SIP / Julien Warnand

Lauschteren

Fir den Educatiounsministère ass et e groussen Defi, deenen iwwer 1.000 schoulflichtege Kanner aus der Ukrain eng adequat Bildung unzebidden. Den Educatiounsminister Claude Meisch weist sech allerdéngs zouversiichtlech. Mee grad Lëtzebuerg hätt vill Experienz dora, fir Schoulkanner aus frieme Länner opzehuelen an hinnen eng Schouloffer unzebidden.

Lëtzebuerg profitéiert vun internationale Schoulen

Lëtzebuerg géif an der aktueller Situatioun awer och vun engem gudden Netz aus internationalen a brittesche Schoule profitéieren. Ukrainer géife scho relativ fréi Englesch an der Schoul léieren, dat heescht si kënnen och schonn dat latäinescht Alphabet. Esou kéint een hinnen eng Bréck an déi englesch-sproocheg Filièren an internationale Schoule bauen, seet den Educatiounsminister.

Och Gemengeschoule solle mathëllefen

De Claude Meisch verstoppt allerdéngs net, datt et eng grouss Erausfuerderung wäert ginn all dës Kanner anzeschoulen. Verschidde Léisunge géife sech awer ubidden. Et wiere mëttlerweil ronn 1.300 Kanner a Jonker aus der Ukrain zu Lëtzebuerg ukomm, dat entsprécht engem klenge Lycée. "Dofir brauche mer zousätzlech Säll, mir brauchen awer och zousätzlech Enseignanten", sou de Claude Meisch.

Nieft den internationale Schoule soll och no Raimlechkeeten an de Gemengeschoule gesicht ginn. Dat géif dovun ofhänken, wou d'Kanner mat hire Famille wäerte logéiert sinn. Den Educatiounsminister huet elo mol e Guichet unique op d'Bee gesat fir déi betraffe Schüler ze registréieren.

Méi zum Thema

Fraen aus der Ukrain zu Medyka
Ukrain-Krich

Kiew preparéiert sech fir den Eeschtfall a verbarrikadéiert sech. Trotz de russeschen Attacke gëtt awer och geschwat. Russesch an ukrainesch Delegatioun hunn sech gëschter nees virtuell getraff.

Eng Fra am Zuch vu Lwiw a Polen a seet hirem Partner Äddi
Ukrain-Krich

De Krich an der Ukrain ass no un de Grenze vun der NATO ukomm. E russesche Loftugrëff op eng Militärbasis am Weste konnt een och a Polen héieren. Méi wéi 30 Rakéite goufe geschoss.

Net verpassen

  • BEAUTIFUL DECAY Festival

    Beautiful Decay Festival.jpg

    Vum 28.-29. Mee ass den BEAUTIFUL DECAY Festival am Gréiweschlass zu Käerch. De radio 100,7 ass e Samschdeg den 28.05. live sur place.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen