Coronavirus Déi vulnerabel Leit schützen

Vill Leit, déi mam neie Coronavirus infizéiert sinn, hunn nëmme wéineg oder guer keng Symptomer. Doduerch wier et esou schwiereg, fir de Virus ze retracéieren an dogéint ze kämpfen, seet de Professer Dokter Claude Muller vum Luxembourg Institute of Health.

Nathalie Bender / Paule Rodesch / cbi

Claude Muller
De Prof. Dr. Claude P. Muller ass Virolog a schafft beim Luxembourg Institute of Health (LIH)

Et wier absolut richteg fir Patienten a Persounen, déi a Kontakt mat Infizéierte waren, ze isoléieren, sou wéi et den Ament gemaach gëtt. Donieft wier et och wichteg fir besonnesch vulnerabel Mënschen ze schützen, sou de Claude Muller.

Altersheemer missten dofir déi néideg Instruktioune kréien, beispillsweis wéi si mat de Visiteure sollten ëmgoen:

"Dierf nach ëmmer jiddwereen eran, oder mussen d'Leit, déi wëllen eran, e Questionnaire ausfëllen, ob si a Risikogebidder waren oder Kontakt mat Leit aus Risikogebidder haten. Do gëtt et scho Méiglechkeeten, an do hunn déi entspriechend Institutiounen och eng grouss Responsabilitéit fir hir Patienten, d'Heimbewohner, awer och fir hiert Personal."

Wéi entwéckelt sech déi aktuell Situatioun elo weider? Am beschte Fall géif den neie Coronavirus wéi all aner saisonal Grippevire mam Ufank vum Fréijoer zeréckgoen, seet de Claude Muller vum LIH. Dee Moment kéinten d'Gesondheetsautoritéiten déi néideg Mesuren ergräife fir géint de Virus ze kämpfen. Anerefalls wier nach net virauszesoen, wéi et weidergeet.

An der Mediathéik:

Lauschteren

Méi zum Thema

coronavirus
Aktualitéit

Déi infizéiert Persoun hätt momentan keng Symptomer méi, bleift awer weider am CHL a Quarantän. Hir Kontaktpersoune wieren identifizéiert. Dat deele Vertrieder vun der Krisenzell "Pandemie" de Sonndeg Owend an engem Communiqué mat.

Programm

  • Moies-Magazin

  • On air

    Den 100,7-Klassesall

  • Iwwer Mëtteg

  • Resonanzen

  • Spektrum

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen