Bis elo hat déi Lëtzebuerger Lénk nach ni e Sëtz am Europäesche Parlament. déi Lénk hätten awer "déi integraalsten Äntwert op d'Problematik". Et wier alles matenee verbonnen an déi Lénk géif och zu Lëtzebuerg déi vehementsten Oppositiounspolitik maachen, dat géif een elo och gär op europäeschem Plang maachen, sou d'Carole Thoma.
Grad wéi scho bei de Chamberwahle setzt déi Lénk an dëser Campagne erëm staark op d'Thema Ekologie. Hir Partei wier déi eenzeg, déi d'Verbindung tëschent Steiergerechtegkeet, Demokratie, Sozialem a Klimafroe géif maachen, huet d'Carole Thoma erkläert. déi Lénk wier a Konkurrenz mat deene Gréngen, mee hir Partei hätt méi Äntwerten op dës Froen, esou déi lénk Kandidatin.
Si ass der Meenung, datt déi Lénk déi eenzeg Partei zu Lëtzebuerg wier, déi d'Verbindung tëschent de verschiddene Problemer, wéi Steiergerechtegkeet, Demokratie, sozialen a Klimafroe géif gesinn. "Dowéinst gesinn ech eis vläicht a Konkurrenz mat deene Gréngen, mee ech mengen, datt mir méi Äntwerten op dës Froen hunn."
Bei den Europawahlen 2014 hat déi Lénk 5,76 Prozent vun de Stëmme kritt.
