Wohngemeinschaften De WG-Projet vu LIFE
D'Asbl LIFE huet e Projet lancéiert, deen hëllefe soll fir méi WG-Zëmmeren zu Lëtzebuerg ze schafen. Donieft ass d'Zil, d'Solidaritéit an der Gesellschaft ze fërderen.
Fir dëse Projet huet d'Asbl en Haus zu Zolwer kaf, an deem elo WG-Zëmmeren entsoe sollen. Donieft géif een d'Haus och sanéieren an esou energieeffizient wéi méiglech maachen, seet de Gary Diderich, Politiker vun déi Lénk a Member vu LIFE.
Déi siwen Zëmmer déi do entstinn, sollen dann u Jonker tëschent 18 a 26 Joer verlount ginn, fir 300 Euro de Mount. Ronn 860.000 Euro huet d'Haus kascht an et soll nach eemol eng Millioun an d'Renovatioun investéiert ginn, esou de Gary Diderich zum Finanzement.
De Logementsministère steiert 75 Prozent vun de Sue bäi, et hätt een awer och nach eng Demande bei enger Fondatioun gemaach, fir eventuell co-finanzéiert ze ginn. "Mee mir hunn awer och e Prêt iwwer den alternative Spuerkont vun der Etika gemaach. Do kréie mir da gutt Konditiounen", sou de Gary Diederech.
Mam Loyer, deen ee mat den Zëmmer generéiert, soll dee Prêt dann zeréckbezuelt ginn.
Mobiliséierung vun Zëmmeren, Wunnengen, Haiser
De Projet vun der Asbl LIFE fir méi bezuelbar WG-Zëmmeren op de Maart ze bréngen huet och nach en zweete Volet. An zwar rifft ee Proprietären dozou op fir Zëmmeren, Wunnengen oder Haiser zur Verfügung ze stellen, fir doraus Colocataire-Zëmmeren ze maachen, erkläert d'Nathalie Reuland vu LIFE.
"D'Asbl bitt de Proprietären e Kontrakt un, an deem mir de Loyer garantéieren an an deem mir och deen eenzegen Uspriechpartner fir si sinn." D'Asbl këmmert sech ëm en Ersatz-Locataire, wann en Zëmmer fräigëtt. Och Entretiensaarbechte gi vun der Asbl organiséiert.
"D'Colocatairë sollen och esou vill wéi méiglech an d'Decisioune mat agebonne ginn, well d'Ambiance an der Wunngemeinschaft soll stëmmen. Dofir dierfe si och mat decidéieren, wie mat wiem wunne soll", sou d'Nathalie Reuter.
300 bis 600 Euro Loyer sollen déi Wunnengen, déi dobäi entstinn, de Mount kaschten. Anescht wéi beim Haus zu Zolwer ass deen heite Projet awer net exklusiv fir jonk Persounen, mee fir de breede Public.
An der Mediathéik:
LauschterenMéi zum Thema
Logements-Expert: "Et feelt un enger Strategie hei zu Lëtzebuerg"
De Geograph Tom Becker vermësst eng iwwergräifend Strategie fir de Logementsproblem ze léisen. De Fuerscher vun der Uni Lëtzebuerg seet, et wier wichteg, datt de Staat, d'Gemengen an déi privat Acteure sech besser berode loossen.
"Investitioun a Logement eng absolut Prioritéit"
De Logement wier eng richteg Erausfuerderung. Si géif awer och d'Potential an deem Ministère gesinn, notamment duerch d'Zesummenaarbecht mat deenen anere grénge Ministeren, esou d'Sam Tanson.
Logement: Et feelt net un Terrainen
D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.
De Logement an de Wahlprogrammer
D'Problemer vum Wunnengsmaart an de Grëff ze kréien. Dat verspriechen all d'Parteien an dësem Wahlkampf. Verschidde Programmer leien no beieneen. Nëmme vereenzelt Mesurë stiechen eraus, fënnt d'Christiane Kleer.
Kichegespréicher: Ëmwelt, Educatioun a Logement
An de Kichegespréicher stelle sech jonk Kandidatinnen a Kandidaten an engem relaxe Kader de Froe vu jonke Wielerinnen a Wieler. An der éischter Episod geet et ëm Ëmwelt, Educatioun an ëm Logement.
Méi Matbestëmmung am Fonds du Logement
Deen neien Direkter vum Fonds du Logement Eric Rosin huet sech als Prioritéit gesat erëm Rou a seng Verwaltung ze bréngen. Déi méi wéi 100 Mataarbechter solle kënne méi matschwätzen.
