Pacte Logement 2 De Privatsecteur wëllt matschaffen
De Privatsecteur wier prett fir d'Logementspolitik mat ze gestalten a bezuelbare Wunnraum ze schafen, erkläert de Jean-Paul Scheuren. Hie bedauert, datt awer net op déi Professionell aus dem Milieu gelauschtert gëtt.
De Jean-Paul Scheuren erkläert, datt een Iddien hätt, mee d'Politik wéilt dat léiwer eleng maachen. "Mee da kann ech jo net responsabel dofir gemaach ginn", esou de President vun der Chambre immobilière.
All d'Acteuren abezéien
Fir de Problem an de Grëff ze kréie missten alleguer d'Acteuren un engem Strang zéien. Bis haut dierft de Privatsecteur kee Logement locatif a Coût moderé schafen, bedauert de Jean-Paul Scheuren. Virun zéng Joer hätt een eng Propositioun op den Dësch geluecht, "mee kee wëllt dat mat eis maachen".
Dem Jean-Paul Scheuren no wier d'Astellung vum Ministère fir net mam Privatsecteur zesummenzeschaffen, eng reng ideologesch.
Aner Prioritéiten
Datt d'Gemengen elo méi Hëllefe solle kréie beim Wunnengsbau wier richteg, de Staat sollt als éischt emol déi Terraine bebauen, déi eidel stinn, betount de Jean-Paul Scheuren.
Amplaz Wunnengen ze verkafe misst de Staat Wunnenge verlounen, proposéiert de President vun der Chambre Immobilière nach.
An der Mediathéik:
LauschterenMéi zum Thema
D'Grondsteier an der Stad gëtt net eropgesat
D'Grondsteier an der Stad gëtt net eropgesat. Déi entspriechend Motioun, déi vun der Majoritéit vun den Oppositiounsmemberen am Gemengerot abruecht gouf, ass net ugeholl ginn.
Konzentratioun vum Grondbesëtz
De Besëtz vu Grond a Buedem ass zu Lëtzebuerg ganz ongläich verdeelt. De Stephan Polet huet sech mam Sozial-Geograph Antoine Paccoud geschwat, dee sech mam Patrimoine foncier auserneesetzt.
Logements-Expert: "Et feelt un enger Strategie hei zu Lëtzebuerg"
De Geograph Tom Becker vermësst eng iwwergräifend Strategie fir de Logementsproblem ze léisen. De Fuerscher vun der Uni Lëtzebuerg seet, et wier wichteg, datt de Staat, d'Gemengen an déi privat Acteure sech besser berode loossen.
Logement: Et feelt net un Terrainen
D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.
