Well de Premier Xavier Bettel eleng virun d'Press getrueden ass, an dem britesche Regierungschef Boris Johnson säi Riednerpult virum Staatsministère eidel bliwwen ass, schwätzt déi auslännesch Presse vun engem "Eclat".
Och wann de Premier Xavier Bettel genervt wier, well nach ëmmer näischt Konkretes a Saache Brexit um Dësch léich, misste Verhandlungspartner mat Respekt mateneen ëmgoen, fënnt den CSV-Deputéierte Claude Wiseler.
Der BBC no hätt de britesche Premier de Lëtzebuerger Premier gëschter gefrot, fir d'Pressekonferenz no bannen ze verleeën, dat wier him awer ofgeschloe ginn.
Update 13:56
Den CSV-President Frank Engel huet dem Premier Xavier Bettel iwwerdeems op Facebook de Réck gestäipt. Et wier wichteg ze weisen, datt een net zu Geisele vu britescher Parteipolitik gemaach soll ginn.