Chronik Däitsch Impfstrategie an der Kritik

Zanter Ufank November ass Däitschland an engem Corona-Shutdown. Am Moment gesäit alles duerno aus, datt dësen och iwwer den 10. Januar eraus wäert verlängert ginn. Entre-temps wiisst awer d'Kritik un der Impfstrategie vun der Regierung - allerdéngs just vu Säite vun der Politik an de Medien. Déi medizinesch Experte verstinn d'Kritik net.

Matthias Kirsch / cz

Meenung Matthias Kirsch

Däitschland géif hannendrulafen, sot d'Manuela Schwesig, Ministerpresidentin vu Mecklemburg-Vorpommern. Vun engem Katastrofen-Impfstart, schwätzt den FDP-Vize Wolfgang Kubicki. Eng beispilllos Blamage, titelt d'Dageszeitung DIE WELT.

Eng gutt Woch nodeems Däitschland mat den Impfungen ugefangen huet, wiisst d'Kritik vun der Strategie vun der Regierung. Déi 240.000 Impfdosen, déi bis gëschter verpickt goufen, wieren einfach net genuch. De Grondtenor vun der Kritik: déi däitsch Regierung hätt sech verpokert. An d'Kritiker kommen och vu Regierungssäit. Den SPD-Gesondheetspolitiker Karl Lauterbach sot zum Beispill, d'Regierung hätt op déi falsch an op méi belleg Impfstoffer gesat, wéi dee vu Biontech/Pfizer.

Bis Enn Mäerz maximal 13 Milliounen Impfdosen

Datt d'Geigestëmme grad elo sou haart ginn, huet virun allem domat ze dinn, datt aner, oft méi kleng Länner wéi zum Beispill Israel, en däitlech méi heien Taux vun der Bevëlkerung scho geimpft hunn. Zur Erënnerung: Däitschland rechent domat, bis Enn März héchstens 11-13 Milliounen Impfdosen ze kréien - domat wier knapps den prioritäre Grupp, also Pflege- a Gesondheetspersonal wéi och Leit iwwer 80, geimpft.

Et bléift awer d'Fro, wéi fundéiert déi Kritik ass. De Virolog Christian Drosten, deen och d'Regierung beréid, sot der Berliner Morgenpost: Et wier onméiglech elo am Nachhinein d'Beschafung vum Impfstoff esou schwarz a waiss ze bewäerten - d'EU hätt schliisslech viru Méint einfach op eng Rei Impfstoffer misste setzen.

De Probleem sinn déi limitéiert Produktiounscapacitéiten

Richteg ass: D'EU hätt bei Biontech méi Impfdosen kenne kafen, och Däitschland hätt der dann elo scho méi zur Verfügung. Allerdéngs hat d'EU eben op verschidden Ubidder gesat an huet insgesamt zwou Milliarden Dosë bei sechs Produzente bestallt. Vu datt d'Produzenten awer souwisou limitéiert Produktiounskapazitéiten un, stellt sech d'Fro, ob et un der elo disponibler Quantitéit eppes geännert hätt.

D'Diskussioun kënnt fir de Spahn zu engem schlechte Moment

Sou oder sou: Fir de Gesondheetsminister Jens Spahn, deen de gros vun der Kritik ofkritt, kënnt d'Onrouh zu engem schlechte Moment. Alles deit drops hin, datt an dëser Woch eng Verlängerung vum Shutdown wäert decidéiert ginn. Zënter elo zwee Méint gëlle jo méi streng Reegelen an Däitschland, op de meeschte Plazen gëllen aktuell och Ausgangsspären an Alkoholsverbued.

Zwar ass de Jens Spahn politesch vir eng Verlängerung vun de Mesuren net responsabel - als Gesondheetsminister kritt hien et ëffentlech trotzdem of.

An der Mediathéik:

Auslandschronik / / Matthias Kirsch
Lauschteren

Méi zum Thema

Impfzenter Agang
Corona-Pandemie

Um Lampertsbierg gouf bannent zwou Wochen een Impfzenter opgeriicht. Déi grouss Impfcampagne an der Victor Hugo Hal soll eréischt Mëtt Januar lafen. Mir wären awer scho fir Iech era kucken.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen