Lutte géint de Klimawandel D'Preparatioune vun der 25. UN-Klimakonferenz

A véier Deeg fänkt zu Madrid déi 25. UN-Klimakonferenz ënner chilenscher Presidence un. Duerch d'Onrouen an Chile huet d'UN Ufank November decidéiert gehat, d'Konferenz a Spuenien ze verleeën. Wei d'Preparatiounen zu Madrid ausgesinn erzielt eis d'Tessy Troes.

Tessy Troes / cz

Madrid Stadusiicht
Foto: picture alliance / imageBROKER

Ronn 1.500 Aarbechter bauen Dag an Nuecht un de siwe Pavillonen an der IFEMA vu Madrid. Den Eduardo López-Puertas, seet Direkter vun de Foireshalen am Nordoste vun der spuenescher Haaptstad.

Déi gréissten Erausfuerderung wier déi wéineg Zäit déi een hätt fir alles ze organiséieren. "Dobäi muss een awer soen, dass d'UN genau Bestëmmungen a Virgaben huet, déi eis Professioneller d'Liewe vereinfacht hunn."

E weidere groussen Challenge ass, datt d'Konferenz jo eigentlech hätt sollen an Chile stattfannen. "Duerch de Wiessel op Madrid kënnen elo vill chilenesch Entreprisen nitt deelhuelen. Eise Ministère huet d'Participatioun dowéinst fir spuenesch Entreprisen opgemaacht, mee mir wëlle keng Leit ausschléissen a mussen all d'Interêten zesummeféieren."

Grouss Euphorie

Vill Mataarbechter sinn den 1. November iwwer d'Press gewuer ginn, datt Madrid d'Organisatioun vun der UN-Klimakonferenz iwwerhuele wäert. Ma egal mat wiem ee schwätzt ass d'Euphorie ze spieren, esou een Event dierfen ze organiséieren. De Juan, Responsabele fir de Volontärsprogramm vun der Stad Madrid seet, datt ee bannent zwou Woche ronn 2.000 Fräiwëlleger fonnt hätt. Den Eduardo Perero vum der Nationaler Konferenz fir d'Ëmwelt seet, datt si elo an der Flicht stinn, jiddweree sou gutt wéi méiglech ze informéieren.

Keng Detailer iwwer ekologeschen Impakt vun der Klimakonferenz

Mat insgesamt 20 bis 25.000 Leit gëtt bei der COP25 gerechent. Iwwer den ökologeschen Impakt vun dëser Klimakonferenz wëll awer nach kee schwätzen. Genee esou iwwer de Fakt, datt duerch zwee spuenesch Feierdeeg an de verlängerte Weekend vum sechsten Dezember Madrid an der Reegel vun Touristen iwwerlaf ass. D'Associatioun vun den Hoteliere wëllt léiwer ervirsträichen, datt een 90.000 Kummeren an der Stad zur Verfügung huet an datt een an der Vergaangenheet schonn aner Evenementer mat enger vill méi héijer Besicherzuel gemeeschtert huet.

"D'Roserei an e Kompromëss ëmsetzen"

No Méint vu Krisen a Katalounien a bei der Regierungsbildung wëllt Madrid dës Chance notzen, fir sech positiv op der internationaler Bün ze weisen, seet de Lopez Puerta vun der IFEMA.

Fir d'Ministesch vun der ökologescher Transitioun Teresa Ribera dierf d'Klimakonferenz awer net just ee Publicity-Event sinn.

"Et ass wichteg, datt déi Roserei an d'Demande vun der Strooss sech an ee Kompromëss iwwersetzt. Et geet net méi drëm eis iwwer d'Spillreegelen eens ze ginn, mee wéi de Mechanismus vun enger COP eis kann hëllefen, Aktiounen ze stäerken an ze acceleréieren."

D'COP25 wäert tëscht dem zweeten an 13. Dezember zu Madrid stattfannen.

An der Mediathéik:

Aktuelles / / Danièle Weber
Lauschteren

Méi zum Thema

Europaparlament
Lutte géint de Klimawandel

Kuerz virun der nächster Welt- Klimakonferenz, wëllt d'Europaparlament proposéieren, den État d'urgence en vue vum Klima- an Ëmweltschutz auszeruffen. De Virschlag ass awer net onëmstridden.

Yves CRUCHTEN
Budgetsrapporter

De Klimapak an déi geplangte Steierreform hunn nach keen Impakt op de Staatsbudget fir dat nächst Joer, seet den Yves Cruchten. Eng gemeinsam Klima- a Steierpolitik misst nach festgeluecht ginn.

Depot Budget
Staatsbudget 2020

Bei hirem Projet fir de Staatsbudget 2020 setzt d'Regierung op d'Prioritéiten Ëmwelt- a Klimaschutz an aner ëffentlech Investissementer. D'Investissementer sollen op iwwer 2,8 Milliarden Euro klammen.

Klimakonferenz Bonn 2019
Klima-Konferenz zu Bonn

Zu Bonn gouf d'Weltklimakonferenz am Dezember a Chile preparéiert. 196 Länner hunn un der Konferenz deelgeholl. Op der Konferenz gouf analyséiert, wéi de Paräisser Accord soll ëmgesat ginn.

Agrikultur
Europäesch Agrarpolitik

Bis d'nächst Joer wëllt d'EU-Kommissioun hir Reformpläng fir d'Agrarpolitik no 2020 duerchbréngen. Hei si Budgetskierzunge virgesinn, anerersäits awer och méi Oploen a Saache Klima- an Ëmweltschutz.

Programm

  • Notturno

  • On air

    Vu 6 bis 10

  • Vun 10 bis 2

  • Vun 10 bis 2

  • Resonanzen

Net verpassen

  • De Schwéierpunkt am November: Depressiounen

    Depressiounen

    Wanterblues vs Wanterdepressioun, klassesch Depressioun, Angschtstéierungen, Suicide, Impakt vun der Pandemie: Mir analyséiere de Sujet aus all méigleche Bléckwénkelen 

    All Dënschdeg um 13:15

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen