Et géing hir och wierklech Leed doen, an et wier och keng einfach Entscheedung gewierscht, esou d'Nathalie Oberweis. Dat géing awer net heeschen, datt si elo net méi aktiv wier.
"Mee ech sinn eng immens engagéiert Persoun, an ech hunn an der Lëscht gemierkt, datt ee muss Prioritéite setzen, an datt ee verantwortlech ass fir seng Kanner a net just fir d'Gesellschaft an d'Partei a seng Matmënschen. Voilà, ech bleiwe jo engagéiert: Ech bleiwen an der Partei, an der Sektioun an an der Gemeng. Ech sinn eng engagéiert Persoun, ech verschwannen net esou schnell."
An der Gemengepolitik bleift d'Nathalie Oberweis deemno fir Déi Lénk aktiv: Si wäert d'Mandat am Stater Gemengerot unhuelen fir dat si e Sonnde gewielt gouf.
