Gesellschaft D'Lëtzebuerger Police kritt een Deontologie-Code
D'Police kritt een Deontologie-Code. Dat huet de Minister fir bannescht Sécherheet François Bausch, ugekënnegt. De Code gouf op Recommandatioun vum GRECO, dem Staate-Grupp vum Europarot géint Korruptioun, ausgeschafft, an Enn leschte Mount am Regierungsrot ugeholl.
De Code soll duerch eng Instruction de service vum Generaldirekter vun der Police a Kraaft trieden. Den Deontologie-Code soll schonn existent Wäerter verstäerken an all d'Member vun der Police betreffen. Viséiert sinn ënner anerem de Professionalismus, d'Integritéit an d'Onparteilechkeet vun der Police.
Eng Neierung ass de sougenannte Conseil confidentiel, deen d'Membere vun der Police kënne kréien, wat d'Applikatioun vum Deontologie-Code ugeet, sou de Police-Minister François Bausch. "Dat ass den Artikel 20. D'Protectioun vum lanceur d'alerte am Artikel 22. An d'Kontroll, déi duerch d'Inspection generale de la police assuréiert gëtt."
Bei Vertéiss géint den Deontolgie-Code kéinten disziplinaresch Moossname géint de Betraffenen ergraff ginn, onofhängeg vun eventuelle penale Suitten, esou nach de Minister.
Schutz fir Lanceurs d'alerte
Déi sougenannte Lanceurs d'alerte sollen an Zukunft protegéiert ginn, sou de François Bausch.
"Et ass wichteg, datt de Code virgesäit, datt kee Member vun der Police, deen a guddem Gewëssen e beruffleche Verstouss feststellt a mellt, datt deen dofir ka bestrooft ginn. Ech mengen, dat ass wichteg dat hei festzehalen, datt do keng Onkloerheeten hei bestinn."
De Code gouf op Recommandatioun vum GRECO, dem Staate-Grupp géint Korruptioun, ausgeschafft, an Enn leschte Mount am Regierungsrot ugeholl. E soll duerch eng Instruction de service vum Generaldirekter vun der Police a Kraaft trieden.
Méi zum Thema
Chamber: Onkloer ob ëmstridden Datebanken nei gereegelt ginn
D'Oppositiounsparteie sinn enttäuscht iwwer d'Äntwerte vun der CNPD. D'LSAP hält Nobesserunge vun der gesetzlecher Basis fir néideg. Fir d'CSV ass net d'Gesetz problematesch, mee d'Benotze vun de Fichieren an der Praxis.
Ëmstridden Datebanke bei Police a Parquet
Bei de Froe ronderëm d'Datebanke vu Police a Parquet verlaangt d'Oppositioun Opklärung. D'Ministere François Bausch a Félix Braz verspriechen Transparenz. Nach sinn net all Froe beäntwert.
Bei der Police soll "zolidd agestallt" ginn
Fir dem Personalmangel entgéint ze wierke wëllt d'Regierung an den nächsten dräi Joer d'Police personell verstäerken. Genee Zuele goufen net genannt. Iwwerstonnen a Permanencë ginn nei gereegelt.
Besser Aarbechtszäiten a Carrièrë fir d'Police
Op der Generalversammlung vun der SNPGL gouf et Kritik un der Policereform, der Aarbechtszäitreegelung an den Zäitspuerkonten. De Policegeneraldirekter Philippe Schrantz reagéiert op d'Kritiken.
"Wäit iwwer 500 Poliziste concernéiert"
D'Polizisten aus der ënneschter Carrière beim Staat missten alleguer an déi nei geschafe Carrière Moyenne B1 reklasséiert ginn. Dat fuerdert de President vun der Policegewerkschaft Pascal Ricquier.
"Rekrutement bei der Police ass katastrophal"
Dëst Joer kéime vläicht just genuch Kandidaten zesumme fir d'Pensiounsofgäng bei der Police ofzedecken, seet de Pascal Ricquier. Et géifen nei Aufgaben op d'Police duerkommen, si hätt awer net méi Personal.
