Deconfinement D'Exit-Strategie vun der Regierung

Ee Méindeg sollen d'Geschäfter erëm dierfen hir Dieren opmaachen. D'Bierger missten elo léiere mam Virus ze liewen, dat war den Haaptmessage an der Deklaratioun vum Premier Xavier Bettel an der Chamber iwwer d'Exit-Strategie vun der Regierung.

Carole Schimmer / cbi

Xavier Bettel
Foto: Chambre des députés

Och wann de gesetzleche Confinement e Méindeg opgehuewe gëtt, sozial Kontakter erëm méiglech ginn a Geschäfter a Coiffeuren erëm opginn, wier fir déi nächst puer Wochen net alles wéi virun der Corona-Kris, esou de Message vum Premier an der Chamber.

Et wier virun Allem eng Flicht an eng Responsabilitéit, déi Vulnerabelst ze schützen. De Xavier Bettel huet virum Risiko vun enger zweeter Infektiounswell gewarnt.

De Xavier Bettel huet preziséiert, datt d'Méiglechkeete fir Regruppementer dobausse mat bis zu 20 Persounen nëmmen op ëffentleche Plaze erlaabt sinn. De Premier huet versprach alles wëllen ze maache fir den Impakt vun der Kris esou kleng wéi méiglech ze halen.

Hien huet ugekënnegt, datt et steierlech Ureizer fir Proprietäre kéinte ginn, wa si an dësem Joer Commerce- oder Horesca-Betriber Loyeren noloossen. Et gëtt Zäit, datt et déi Exit-Strategie gëtt, sot hirersäits d'CSV-Fraktiounspresidentin Martine Hansen.


Lauschtert de Reportage vum Carole Schimmer

An der Mediathéik:

Aktuelles / / Carole Schimmer
Lauschteren

Méi zum Thema

(de g. à dr.) Claude Meisch, ministre de l'Éducation nationale, de l'Enfance et de la Jeunesse ;
Reouverture vun der Grondschoul

D'Reouverture vun der Grondschoul wier komplex, esou den Educatiounsminister an de Syvicol-President virun der Press. Vum 25. Mee u gi méi Raimlechkeete, méi Personal a méi Schoulbusse gebraucht.

Nicolas Henckes
Deconfinement

D'Reouverture vun de Geschäfter wier "batter neideg" gewiescht, seet den Direkter vun der Confédération du Commerce. Den Nicolas Henckes rechent an den éischte Woche mat engem "schwéieren Ufank".

Paulette Lenert, ministre de la Santé ; Xavier Bettel, Premier ministre, ministre d'État
Corona-Kris

Fir den 11. Mee gi sozial Kontakter erëm erlaabt, huet de Xavier Bettel annoncéiert: et dierf ee bis zu sechs Leit bei sech doheem invitéieren. Vill Commercë ginn erëm op, mee net de Restauratiouns-Secteur.

Programm

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen