Wirtschaft D'BIL wëll hir Participatioun un der Luxair verkafen

Déi 100,7-Informatioun confirméiert de BIL-President Luc Frieden op eis Nofro hin. D'BIL huet 13,14 Prozent vun de Parte vun der nationaler Fluggesellschaft. De Luc Frieden seet, d'Decisioun fir déi Undeeler ze verkafe wier scho virun zwee Joer gefall. Esou eng Participatioun géif net zum Kärgeschäft vun enger Bank gehéieren.

Jean-Claude Franck / cz

BIL
Foto: Creative Commons

Et géifen awer nach keng Gespréicher ginn, well et wéinst der Pandemie kee Marché dofir géif ginn. Et géif och kee geneeën Zäitplang ginn, esou de President vum Verwaltungsrot vun der BIL. D'Lëtzebuerger Bank gehéiert zënter fënnef Joer zu 90 Prozent der chineesescher Legend Holdings an zu zéng Prozent dem Lëtzebuerger Staat.

De gréissten Aktionär vun der Luxair ass de Lëtzebuerger Staat mat 39,05 Prozent. Weider gréisser Aktionären nieft der BIL sinn d'Spuerkeess mat 21,81 Prozent an Delfin mat 13 Prozent. Si hunn e Virkafsrecht, wann d'Bil verkeeft. D'Luxair huet wéi aner Passagéier-Airlines och staark ënnert der Pandemie gelidden. Se huet awer selwer och eng Participatioun vu 35,1 Prozent un der Lëtzebuerger Cargolux, déi zënter e puer Joer Rekord-Benefisséier realiséiert.

Méi zum Thema

Gilles Feith
3G op der Aarbecht

D'Luxair konnt ëm d'Chrëschtdeeg all d'Vollen assuréieren. De Gilles Feith ass optimistesch, datt dat och am Januar de Fall wäert sinn. An aneren Aktivitéitsberäicher vum Grupp Luxair maachen d'Krankeschäiner an den 3G awer Suergen.

Net verpassen

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen