Corona-Gesetz CovidCheck: Gréisstendeels Ëmstellung op 2G-Modell

Am Fräizäitberäich soll op den 2G-Modell ëmgestallt ginn, esou de Xavier Bettel. Op der Aarbechtsplaz soll vu Januar un d'3G-Reegel gëllen. Véier Méint no enger Impfung mat AstraZeneca kann een eng Booster-Impfung kréien.

Claude Biver

D'Paulette Lenert an de Xavier Bettel
D'Paulette Lenert an de Xavier Bettel. Foto: SIP / Jean-Christophe Verhaegen (Archiv)

Dës nei Mesurë sollen dës Woch der Chamber nach virgeluecht ginn, sou datt se déi nächst Woch scho kéint gëllen. D'Regierung wëllt deemno net waarden, bis dat aktuellt Covid-Gesetz den 18. Dezember ausleeft. Dat neit Gesetz soll da bis Enn Februar gëlteg sinn.

Ëmstellung op 2G-Modell

An der Fräizäit wäert zu Lëtzebuerg den 2G-Modell ginn: et muss een also geimpft oder geheelt sinn. Heirënner fale Restauranten a Baren, souwuel de Banneberäich wéi och Terrassen. Och um Chrëschtmaart soll den 2G-Modell gëllen.

Op der Aarbechtsplaz wäert vu Januar un den 3G-Modell obligatoresch ginn: et muss een also geimpft, geheelt, oder getest sinn. PCR-Tester wäerten och just nach 48 Stonne gëlteg sinn, zertifiéiert Schnelltester just nach 24 Stonnen.

Fir CovidCheck-Zertifikater ze verifizéieren, soll eng Identitéitskontroll méiglech gemaach ginn - dat soll net just d'Police maache kënnen, mee beispillsweis och de Restaurateur.

Booster-Impfung fir AstraZeneca no véier Méint

Véier Méint no enger Impfung mat AstraZeneca soll een eng Booster-Impfung kréie kënnen. Invitatiounen dofir wäerten erausgoen; och wann een ouni Rendezvous kéint an en Impfzenter goen, sollt een op seng Invitatioun waarden.

Leit, déi eng Kräizimpfung vun AstraZeneca mat BioNTech/Pfizer oder Moderna kruten, mussen awer 6 Méint op hir Booster-Impfung waarden.

Alters- a Fleegeheemer: 2G+

Fir Residente vun Alters- a Fleegeheemer solle Visiteuren nieft dem CovidCheck (Modell 2G) d'Mask unhalen, a sur place muss ee Schnelltest gemaach ginn.

D'Alters- a Fleegeheemer sollen net waarden, bis dësen Text gestëmmt ass, mee dës Mesure soll sou séier wéi méiglech ëmgesat ginn. An Urgencëfäll sollen Ausname méiglech sinn.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

  • Panorama

  • On air

    Iwwer Mëtteg vun 11 bis 2

  • Noriichten

  • Resonanzen

  • Am Nomëtteg vun 3 bis 6

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen