E legale Kader fir d'Ganzdagschoul gouf zum Beispill net ëmgesat. An Zukunft misst d'Zesummenaarbecht tëschent dem Personal aus de Schoulen an de Maison-relaisen nach méi gestäerkt ginn, mengt de liberale Minister.
"Datt net nëmmen d'Enseignanten op hirem Deel do sinn an d'Educateuren op dem aneren. Mee datt ee kann eppes zesumme maachen oder Si sech vun der Zäit kennen eppes opdeelen. Mee dat schéngt éischter den nächsten Entwécklungsschrëtt ze sinn."
Vu Kannerbetreiung zur Bildung
De Claude Meisch schreift sengem Ministère e Paradigmewiessel, vun der Kannerbetreiung hinn zur Bildung, zou. De liberale Minister huet d'Qualitéitskontrolle vun de Strukturen ervirgehuewen. Alles an allem géifen 32 Agenten op den Terrain goen a Visitten a Crèchen, Maison-relaisen a Jugendhaiser maachen. Am Joer 2022 gouf et 9000 Visitten.
Den edukative System misst sech permanent adaptéieren an enger Welt déi séier ännert, fënnt de liberale Minister.
