Staatsrot Christophe Schiltz kéint President vum Conseil d'État ginn

De Christophe Schiltz kéint den nächste President vum Staatsrot ginn, dat huet déi aktuell Presidentin Agny Durdu indirekt am 100,7-Interview confirméiert. Dem Roulement no géif de Posten op jiddwer Fall der LSAP zoustoen.

Maurice Molitor (Interview) / Claude Biver (Web)

Agny Durdu
Der Agny Durdu hiert Mandat am Staatsrot geet op en Enn

Déi lescht Méint wiere bei wäitem déi ustrengendst gewiescht, sot d'Agny Durdu. Zenter dem leschte Mäerz hätt de Staatsrot, ënner groussem Zäitdrock, 403 Texter missen aviséieren, 89 dovun an Zesummenhang mat der Corona-Kris. "Dat ass schonn en onheemlechen Drock, deen do op eis zoukomm ass."

Mat Momenter hätten d'Conseilleren hir Aarbecht net esou gewëssenhaft kënne maachen, wéi se sech dat gewënscht hätten. Et hätt een net méi kënne mat der selwechter Intensitéit un engem TExt schaffen. A verschidden Texter wieren et Delaie ginn oder et wier ëm technesch Klengegkeete gaangen.

"Mee et gouf awer och eng Partie Texter wou ee sech gesot huet: do hätt een elo awer vläicht kënne méi schreiwen, wann een an normalen Ëmstänn gewiescht wär. Mee et goung einfach net."

Limitatioun vun der Mandatsdauer

Der Agny Durdu hiert Mandat am Conseil d'État geet ufanks Abrëll no 15 Joer op en Enn. Dat war jo d'Mandatsdauer vun de Conseilleren, déi virun der Reform vun 2017 genannt gi sinn. Mat där Reform gouf déi Zäit op 12 Joer verkierzt.

D'Nach-Presidentin ass sech net sécher, ob déi Decisioun gutt a richteg war. "Ech hu mer well heiansdo d'Fro bestallt, ob 12 Joer net ze kuerz ass." Et bräicht een eng gewëssen Zäit fir an d'Matière an d'Aart a Weis, wéi d'Iwwerleeungen am Staatsrot sinn, eran ze kommen. Wann d'Agny Durdu zeréckkuckt stellt si sech d'Fro, "ob et wierklech huet misste sinn", datt d'Mandatsdauer limitéiert gouf.

Wie fir d'Agny Durdu an de Conseil d'État noréckelt, ass nach net gewosst. D'Deputéiert Simone Beissel (DP), déi méi dacks dofir genannt gouf, huet dat op Nofro hin awer kategoresch ausgeschloss.

An der Mediathéik:

Invité vum Dag / / Maurice Molitor
Lauschteren

Méi zum Thema

Agny Durdu
Staatsrot

De leschte Freideg hat de Staatsrot op eng Neijoerschreceptioun invitéiert. Dat géif awer net heeschen, datt de Staatsrot wëlles hätt seng diskret Aart a Weis ze schaffen opzeginn, sou d'Presidentin Agny Durdu.

Erna Hennicot-Schoepges
Politesch Aktualitéit

D'Politiker doen am Staatsrot hir parteipolitesch Kap aus, seet d'Erna Hennicot-Schoepges. Déi fréier CSV-Kulturministerin ass géint méi Transparenz – de Staatsrot misst a Rou kënne schaffen.

Jean-Claude Franck Kommentar
Interessekonflikt vum Alain Kinsch

Wann de Staatsrot sech eescht hëlt, limitéiert e sech just nach op d'Korrektur vu schlecht redigéierte Gesetzestexter oder en hält op, sech virun der Ëffentlechkeet ze verstoppen, mengt de Jean-Claude Franck.

Programm

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen