Militäresch Aschätzung Chef vun der Lëtzebuerger Arméi: Russeschen Asaz vun Atombommen ass onwarscheinlech
"Dreist", also zimmlech culottéiert, fënnt de Chef vun der Lëtzebuerger Arméi d'Attack vun de Russen op en Atomkraaftwierk. Et wéisst ee jo wat domat verbonnen ass: "Mee dat weist zu wat se bereet sinn", sou de Generol Steve Thull. Hie mengt awer net, datt de Wladimir Putin esou wäit géif goen, fir Atomwaffen anzesetzen.
Hie wéilt d'Lëtzebuerger Populatioun op dee Punkt berouegen, sou de Steve Thull.
"Ech denken net, datt do eng direkt imminent Gefor ass. Et soll een ni eppes ausschléissen, dofir muss ee plangen. Mee ech gleewen elo net direkt, datt dat seng Intentioun ass."
Och un en Ugrëff op e Land an der Peripherie vu Russland, dat Member vun der NATO ass, hält de Generol Steve Thull fir onwarscheinlech. Well dat eng Äntwert en bloc vun der ganzer Allianz géif no sech zéien.
An der Mediathéik:
LauschterenMéi zum Thema
EU-Memberkaart fir d'Ukrain nach net prett
D'Europäesch Unioun weist Solidaritéit par rapport zur Ukrain. D'Demande fir Member vun der EU ze ginn, gëtt notéiert. Et ass awer éischter eng Laang-Zäit-Perspektiv.
Jean Asselborn: Ënner engem President Putin kann et keng Léisung vum Ukrain-Konflikt ginn
De Lëtzebuerger Ausseminister gleeft net un eng diplomatesch Léisung vum Krich an der Ukrain. "Net mat engem Putin als President", sou de Jean Asselborn. Leider géifen d'Russen net gewuer ginn, wat deen "Bandit an Diktator" géif uriichten.
