Coronavirus Caritas: "Sozialhëllef fir Leit, déi nach ni domat confrontéiert waren"

D'Caritas fäert, datt duerch d'Wirtschaftskris an den nächste Méint méi Leit kéinten op sozial Hëllefen ugewise sinn. Leit mat enger klenger Pai, déi duerch de Chômage partiel elo just nach 80 Prozent vun hirem Loun kréien, wieren deem Risk ausgesat, seet d'Marie-Josée Jacobs.

Rick Mertens (Interview / Chris Zeien (Web)

Marie-Josée Jacobs-2.JPG

Fir hinnen entgéint ze kommen, wëllt d'Caritas méi Leit Accès zu hiren Epicerie Socialen ginn. An dëse Geschäfter kann een essentiell Produite fir ongeféier een Drëttel vum normale Präis kafen.

"Ech denken, zum Beispill, un déi Leit, déi elo 80 Prozent vun hirer Pai kréien. Dat ass op der enger Säit vill, mee wann een awer net ganz vill huet, an et muss een en héije Loyer bezuelen, oder eventuell e Prêt. Da gëtt et awer vill méi batter fir d'Ënner beieneen ze kréien. An da musse natierlech och aner Hëllefe fir déi kommen. Fir Leit an dëser Situatioun entgéint ze kommen, wëllt d'Caritas méi Leit Accès zu hiren Epicerie Socialë ginn. An dëse Geschäfter kann een essentiell Produite fir ongeféier een Drëttel vum normale Präis kafen."

Den Ënnerscheed tëschent aarm a räich

Déi aktuell Kris trefft jiddwereen. Mee se trefft net jiddwereen d'selwecht. Grad déi, déi souwisou keng finanziell Reserven hunn, riskéiere besonnesch schwéier getraff ze ginn. Dat gëllt och fir Entwécklungslänner, déi et am Moment besonnesch schwéier hunn, erkläert d''Presidentin vu Caritas-Lëtzebuerg.

"Ech hat dëser Deeg e Minister aus dem Niger um Telefon. Deen huet mir gesot: 'Et ass ganz schrecklech - mir hu siwe Beootmungsapparater fir de ganzen Niger. Mir hu keng Händschen, mir hu keng Masken. A mir hu keng Sue fir se ze kafen.' Dat ass, mengen ech, an engem Saz ausgedréckt, wéi et do ass. An dee seet: 'Mir stinn total hëlleflos do, a mir hu keng Chance fir op deem Marché kënne mat dobäi ze sinn.' Wou dann erëm eng Kéier den Ënnerscheed tëschent räich an aarm demonstréiert gëtt. An ech mengen och do hu mer eng Responsabilitéit, fir wéinstens eist Stéck, wat mer kënnen dozou bäidroen och do ze maachen."

De Lëtzebuerger Staat hätt jeeweils 4.000 Masken un d'Croix Rouge an un d'Caritas ginn. Déi Maske wieren awer net an den Niger geschéckt ginn, mee géifen elo zu Lëtzebuerg op hiren Asaz waarden. D'Marie-Josée Jacobs geet dovun aus, datt 8.000 Masken engem Land wéi dem Niger net fir laang gehollef hätten.

An der Mediathéik:

Invité vum Dag / / radio 100,7
Lauschteren

Méi zum Thema

Guy Feyder
Landwirtschaft

Den Zoufloss un Aarbechter iwwer d'Plattform jobswitch vun der Handelskammer géif de momentane Besoin u Saisonsaarbechter am Geméisbau decken, seet de President vun der Landwirtschaftskammer.

Corona Finanzen
D'Ekonomie an der Corona-Pandemie

D'Corona-Pandemie huet grouss Deeler vun der Wirtschaft un d'Stoe bruecht. Weltwäit siche Regierungen elo no Léisungen. Wéi eng sollten dat sinn? Mir hunn zwee Ekonomisten no enger Aschätzung gefrot.

Programm

Net verpassen

  • Offre d'emploi: Un(e) rédacteur(rice) web

    Webjournalist

    L'Etablissement Public de Radiodiffusion Socioculturelle recrute, pour entrée immédiate ou à convenir, Un(e) rédacteur(rice) web sous contrat à durée déterminée pour une durée de 12 mois et à temps plein.

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen